Lekzion 1

Woo du utfinjen kaust waut Gott von ons velangt

Waut fa wichtje Dinja lat ons de Bibel weeten? (1)

Von wäm kjemt de Bibel? (2)

Wuarom sust du de Bibel studieren? (3)

1. De Bibel es een wieetvollet Jeschenkj von Gott. Dee es soo aus een Breef, waut een leewvolla Voda aun siene Kjinja jeschräwen haft. Dee sajcht ons de Woarheit äwa Gott—wäa hee es un waut hee fa goot un schlajcht talt. Dee erkjläat ons, woo wie met Schwierichkjeiten foadich woaren kjennen un woo eena jlekjlich läwen kaun. Bloos de Bibel sajcht ons, waut wie doonen motten om Gott to jefaulen (Psalm 1:1-3; Jesaja 48:17, 18).

2. Von daut Joa 1513 ver onse Tiet aun, wort de Bibel äwa eene Tiet von 1.600 Joaren von ojjefäa 40 veschiedne Mana jeschräwen. De Bibel besteit ut 66 kjliene Bieekja. Dee äare Schriewa worden von Gott jeleit. See schreewen siene un nich äare Jedanken opp. Doaderch kjemt de Bibel von dän Gott em Himmel un nich von irjent eenen Mensch oppe Ieed (2. Timotäus 3:16, 17; 2. Petrus 1:20, 21).

3. Gott haft doafäa jesorcht, daut de Bibel krakjt aufjeschräwen un oppbewoat wort. Doa sent mea Biblen jedrekjt worden aus von irjent een aundret Buak. Nich aula woaren doaräwa schaftich sennen, wan du de Bibel studieren deist, oba doawäajen sust du die nich aufhoolen loten. Diene eewje Tookunft henjt doavon auf, daut du Gott kjanen lieescht un sienen Wellen deist, uk wan du Jäajna hast (Matäus 5:10-12; Johanes 17:3).