Kapitel 15

Gott siene Frind doonen, waut goot es

Wan du eenen Frint hast, dän du väl räakjenst, woascht du vesieekjen, am änlich to sennen. Jehova „es wundaboa goot un jerajcht“, sajcht de Bibel (Psalm 25:8). Om Gott siene Frind to sennen, mott wie goot un opprechtich sennen. De Bibel sajcht: „Aus Gott siene leewe Kjinja, sträft am emma änelja to woaren. Siet eenaunda goot“ (Efeesa 5:1-2). Woo kjenn wie daut doonen?

Sie wellich toom aundre halpen. „Doawäajen sull wie . . . aun aule Menschen goodet doonen“ (Galata 6:10).

Doo flietich oabeiden. „Wäa met stälen jeploacht es, saul doamet opphieren un oabeiden gonen un opprechtich met siene Henj sien Broot vedeenen“ (Efeesa 4:28).

Bliew kjarpalich un sitlich rein. „Well wie ons nu von aules reinjen waut Kjarpa un Jeist besudelt, un en Gottesforcht heilich läwen“ (2. Korinta 7:1).

Doo diene Famielje leewen un achten. „Oba aulemol, jie Mana sellen june Frues jrod soo goot sennen, aus junt selfst, un de Frues sellen soo sorjen, daut see äare Mana achten. Kjinja, june Christenpflicht es, june Elren to jehorchen“ (Efeesa 5:33 bat 6:1).

Bewies Leew to aundre. „Well wie ons unjarenaunda goot sennen, wiels Leew staumt von Gott“ (1. Johanes 4:7).

Doo, waut de Laundesjesazen velangen. „Lot aulemaun de Rejierunk unjadon sennen . . . Tolt aulem, waut jie an schuldich sent: Taks, dän jie Taks schulden“ (Reema 13:1, 7).