Kapitel 17

Om Frind to bliewen, vehool die aus een Frint

Leew es wichtich toom Frind sennen. Je mea du äwa Jehova lieescht, je jrata woat diene Leew to am. Wan diene Leew fa Gott toonemt, woat uk dien Wunsch toonämen, am to deenen. Daut woat die doatoo brinjen, daut du een Jinja von Jesus Christus woascht (Matäus 28:19). Jehova siene Zeijen sent soo aus eene jlekjelje Famielje. Wan du een Poat von dise Famielje woascht, kaust du opp emma Gott sien Frint bliewen. Waut motst du doonen?

Du motst diene Leew to Gott doaderch bewiesen, daut du siene Jebooten jehorchst. „Wan wie Gott goot sent, dan hool wie siene Jebooten, un siene Jebooten sent nich schwoa“ (1. Johanes 5:3).

Du motst daut doonen, waut du lieescht. Om daut dietlich to moaken, vetald Jesus eene Jeschicht. Een vestendja Maun bud sien Hus opp Steen. Een onvestendja Maun bud sien Hus opp Saunt. Aus een grootet Owwada kjeem, foll daut opp Steen jebude Hus nich toop, oba daut opp Saunt jebude foll met grootet Krachen toop. Jesus säd, daut dee, waut siene Lieren hieren un doano haundlen, soo sent aus de vestendja Maun, waut opp Steen bud. Oba dee, waut siene Lieren venämen un nich doano haundlen, sent soo aus de onvestendja Maun, waut opp Saunt bud (Matäus 7:24-27).

Jeff die Gott han. Daut meent, daut du Jehova em Jebäd sajchst, daut du opp emma sienen Wellen doonen west. Doaderch, daut du Gott sienen Wellen deist, wiest du, daut du Jesus Christus sien Jinja best (Matäus 11:29).

Lot die deepen. „Lot die deepen un de Sinden aufwauschen, wäarent du sienen Nomen aunroopst!“ (Aposteljeschicht 22:16).

Sie omhäa em Deenst fa Gott. „Aules waut jie doonen, daut doot von Hoaten jieren aus fa Gott, un nich fa Menschen“ (Kolossa 3:23).