32. KAPITEL

Gott sien Kjennichrikj rejieet aul!

Jedrekjte Utgow

Gott sien Kjennichrikj funk aune 1914 aun, em Himmel to rejieren. Dan funk uk de latste Tiet aun von de Menschen äare Rejierunk. Woo weet wie daut? See wie mol, waut de Schreft verutsäd un woo daut von 1914 aun enne Welt dreit.

1. Waut säd de Schreft verut?

Daut Bibelbuak Daniel lat ons weeten, wanea Gott sien Kjennichrikj aunfangen wudd to rejieren: aum Enj von eene Tiet, waut “säwen Joa” jenant woat (Daniel 4:13-14). Hundade Joaren lota räd Jesus von deeselwje Tiet. Hee nand daut “de Velkja . . . äare Tiet” un säd, daut dee don noch nich aufjerant wia (Lukas 21:24). Wie woaren seenen, daut dise Tiet von “säwen Joa” aune 1914 to Enj wia.

2. Woo dreit daut enne Welt von 1914 aun?

Jesus siene Jinja säden to am: “Saj ons . . . aun waut fa een Tieekjen wie seenen kjennen, daut du kjemst, un daut dise Tiet aufschluten woat” (Matäus 24:3). Jesus säd dan, waut doa aules passieren wudd, nodäm daut hee em Himmel wudd aunfangen, en Gott sien Kjennichrikj to rejieren. Hee räd von Kjrich, Hungaschnoot un Ieedbäben (läs Matäus 24:7). De Schreft säd uk noch verut, daut “en de latste Doag jreslich schwoare Tieden” sennen wudden wäajens de Menschen äa Vehoolen (2. Timotäus 3:1-5). Aul dit haft sikj besonda von 1914 aun erfelt.

3. Wuarom jeft daut soo väl schlajchtet von dan aun, aus Gott sien Kjennichrikj aunfunk to rejieren?

Boolt nodäm daut Jesus en Gott sien Kjennichrikj Kjennich wort, fieed hee Kjrich jäajen dän Fient un de beese Jeista. De Fient velua dän Kjrich un “hee wort met siene Enjel toop rauf opp de Ieed jeschmäten” (Openboarunk 12:9-10, 12). De Soton es sea doll, wäajen hee weet, daut hee woat venicht woaren. Doawäajen recht hee aulawäajen oppe Welt väl schlajchtet aun. Kjeen Wunda, daut aules soo dral dreit! Oba Gott sien Kjennichrikj woat aul dit fiksen.

DOLLA UNJASTONEN

Unjasto die daut, wuarom wie weeten, daut daut Kjennichrikj aune 1914 aunfunk to rejieren un waut daut aun ons doonen sull.

4. Eene Profezeiunk ut de Schreft diet no 1914 han

Kjikjt daut VIDEO.

VIDEO: Gott sien Kjennichrikj funk 1914 aun to rejieren (5:02)

Gott jeef dän Kjennich Nebukadnezar von daut oole Babel eenen profeetischen Droom. Dee Droom un soo aus Daniel dän utläd wiest, daut et doa om Nebukadnezar sien Rikj jinkj un uk om Gott sien Kjennichrikj (läst Daniel 4:14).a

Läst Daniel 4:17-23 un dan brukt de Bilda, om de Froagen toop derchtogonen, waut hia aunjejäft sent:

(A) Waut sach Nebukadnezar en sienen Droom? (See Varsch 17 un 18.)
(B) Waut wudd met dän Boom passieren? (See Varsch 20.)
(C) Waut wudd opp Enj von de “säwen Joa” woaren? (See Varsch 23.)

Waut de Droom von dän Boom met Gott sien Kjennichrikj to doonen haft

DE PROFEZEIUNK (Daniel 4:17-33)

Rejierunk

(A) Een groota Boom

Kjennich raufjesat

(B) “Hak däm Boom dol . . . fa säwen Joa”

De Stobben von eenen Boom met Iesa un Brons beschloagen

Rejierunk wada oppjestalt

(C) Du woascht wada “Kjennich äwa dien Rikj sennen”

Aus dise Profezeiunk sikj toom ieeschte Mol erfeld, . . .

(D) wäm stald de Boom väa? (See Varsch 19.)
(E) wanea hieed dee opp met rejieren? (Läst Daniel 4:26-30.)
(F) waut wort met Nebukadnezar opp Enj von de “säwen Joa”? (Läst Daniel 4:31-33.)

DE IEESCHTE ERFELLUNK

Rejierunk

(D) Nebukadnezar, de Kjennich von Babel

Kjennich raufjesat

(E) No 606 v. Chr. wort Nebukadnezar onkluak em Kopp un kunn säwen Joa nich mea rejieren

Nebukadnezar licht oppe Ieed un at Grauss soo aus een Tia

Rejierunk wada oppjestalt

(F) Nebukadnezar wort wada kluak em Kopp un hee rejieed wada

Kjennich Nebukadnezar kjikjt nom Himmel un helt siene Oarms no Hecht

Aus dise Profezeiunk sikj toom tweede Mol erfeld, . . .

(G) wäm stald de Boom väa? (Läst 1. Chronik 29:23.)
(H) wanea hieed dise Rejierunk opp? Woo weet wie, daut dee noch nich wada aunjefongen haud, aus Jesus oppe Ieed wia? (Läst Lukas 21:24.)
(I) wua un wanea wort dise Rejierunk wada oppjestalt?

DE TWEEDE ERFELLUNK

Rejierunk

(G) De israelitische Kjennichs, waut Gott siene Rejierunk väastalden

Israelitische Kjennichs, waut eena nom aundren oppem Troon setten. Lichtstrolen schienen no dee rauf.

Kjennich raufjesat

(H) Jerusalem wort venicht; fa 2520 Joa wieren doa nich israelitische Kjennichs

Daut oole Jerusalem woat aune 607 v. Chr. met Fia venicht. De 2520 Joa fangen aun.

Rejierunk wada oppjestalt

(I) Jesus wort em Himmel de Kjennich von Gott sien Kjennichrikj un funk aun to rejieren

Jesus rejieet von sienen himlischen Troon äwa de Ieed von aune 1914 n. Chr. Lichtstrolen komen von am.

Woo lang es de Tiet von de “säwen Joa”?

Eenje Poats von de Schreft halpen ons, aundre Poats to vestonen. Biejlikj halpt daut Bibelbuak Openboarunk ons to vestonen, daut dreeunhaulf profeetische Joaren 1260 Doag sent (Openboarunk 12:6, 14). Säwen Joa sent tweemol soo väl, aulsoo 2520 Doag. Eenjemol steit en de Schreft een Dach fa een Joa (Hesekiel 4:6). Soo es daut uk met de säwen profeetische Joaren en daut Buak Daniel: daut sent dan 2520 Joa.

5. De Welt haft sikj von 1914 aun veendat

Kjikjt daut VIDEO.

VIDEO: De Welt haft sikj von 1914 aun veendat (1:10)

Jesus säd verut, waut enne Welt wudd to beoobachten sennen, nodäm daut hee Kjennich wort. Läst Lukas 21:9-11 un dan got toop dise Froag derch:

Woont von aul dit hast du jeseenen ooda von jehieet?

De Apostel Paulus säd, woo de Menschen sennen wudden en de latste Tiet von de menschelje Rejierunk. Läst 2. Timotäus 3:1-5 un dan got toop dise Froag derch:

Woont von dit hast du bie de Menschen vondoag dän Dach jeseenen?

Miere Bilda: Bilda, waut wiesen, woo daut enne latste Tiet es. 1. Een väaschta Soldot steit oppem Kaunzel un schricht un häft siene Oarms no Hecht. 2. Vekjeiwelde Jebieda no een Ieedbäben. 3. Kjrichszhets. 4. Menschen met Näs- un Mulfilta gonen buten rom. 5. De twee Torms en New York brennen opp, nodäm aus de Zhets doa nenfluagen. 6. Een Maun deit sikj Droggs unjaspretzen. 7. Een Maun wiest siene Fust un schricht to siene Ehefru. 8. Veschiednet von Droggs un Suptich. 9. Twee oppjedreste Frues moaken sikj opp een Bilt. 10. Een Maun, waut mank eene Häad Menschen Spell moakt. 11. Een Maun, waut jäajenaun es, well waut schmieten.

6. Daut Gott sien Kjennichrikj aul rejieet, sull waut aun ons doonen

Läst Matäus 24:3, 14 un dan got toop dise Froagen derch:

Waut fa een wichtjet Woakj wiest, daut Gott sien Kjennichrikj nu rejieet?
Woo kaust du bie dit Woakj metmoaken?

Gott sien Kjennichrikj rejieet aul un daut woat boolt äwa de gaunze Welt rejieren. Läst Hebräa 10:24-25 un dan got toop dise Froag derch:

Waut sull jieda eena von ons doonen, “wiels de latsta Dach noda kjemt”?

Miere Bilda: 1. Eene Fru, waut de Schreft studieet, es bie een Toopkomen von Jehova siene Zeijen. 2. Deeselwje Fru prädicht wäm, waut see kjant. — Wan du soont lieezhd, waut aundre kunn halpen un raden, waut wurscht du dan wellen doonen?

EENJE FROAGEN VELEICHT: “Wuarom räden Jehova siene Zeijen soo foaken von daut Joa 1914?”

Waut wurscht du dan sajen?

KAPITEL TOOPJEFOT

De Profezeiungen ut de Schreft un woo daut enne Welt dreit wiest, daut Gott sien Kjennichrikj nu rejieet. Wie wiesen, daut wie daut jleewen, wan wie aundre doavon vetalen un no de Toopkomes wanken.

Waut hast du jelieet?

Waut passieed opp Enj von de säwen Joa, waut en daut Bibelbuak Daniel verutjesajcht wia?
Wuarom jleefst du, daut Gott sien Kjennichrikj werkjlich aune 1914 aunfunk to rejieren?
Woo kaust du wiesen, daut du daut jleefst, daut Gott sien Kjennichrikj nu rejieet?

Woonen Dotem dit Kapitel derch wia:

Nemm die dit väa

Schauf doaropp, een Vekjindja von de goode Norecht to woaren.

Noch aundret:

Nemm die noch aundret väa

MEA NOSIEEKJEN

Läs, waut Jeschichtsforscha un aundre doaräwa sajen, woo de Welt sikj von 1914 aun veendat haft.

“Aus daut met de Menschen äa Vehoolen haustich boajauf jinkj” (Woat waka!, Aprell 2007)

See, woo de Profezeiunk von Matäus 24:14 eenen Maun sien Läwen jeendat haft.

“Bäsbaul wia mien gaunzet Läwen!” (De Woaktorm Num. 3 2017)

Woo weet wie, daut de Profezeiunk en Daniel, Kapitel 4 met Gott sien Kjennichrikj to doonen haft?

“Wanea funk Gott sien Kjennichrikj aun to rejieren? (Poat 1)” (De Woaktorm, 1. Oktooba 2014)

Waut wiest, daut de “säwen Joa”, wua Daniel, Kapitel 4 von rät, aune 1914 to Enj wieren?

“Wanea funk Gott sien Kjennichrikj aun to rejieren? (Poat 2)” (De Woaktorm, 1. Nowamba 2014)

a See de latste beid Artikjels en daut Poat “Mea nosieekjen” von dit Kapitel.