Äwanäment sennen

Woo deed Jesus daut?

VIDEO: Jesus deit eenen rikjen, jungen Leida Rot jäwen

1. Kjikj ieescht daut VIDEO ooda läs Markus 10:17-22, un dan denkj äwa dise Froagen no:

1. Waut fa goodet sach Jesus en dän jungen Leida?

2. Wuarom must Jesus Leew fa dän haben un uk äwanäment sennen, om dän Rot to jäwen?

Waut lia wie von Jesus?

2. Wie motten onsen Schiela Leew wiesen, oba uk gaunz kloa un dietlich utlajen, waut dee mott doonen, om em jeisteljen wiedatokomen.

Woo kaust du Jesus nodoonen?

3. Halp dienen Schiela, sikj waut väatonämen un daut uk notokomen.

1. Bruck bie jieda Kapitel en daut Läwen-fa-emma-Buak daut Poat “Nemm die dit väa”.

2. Halp dienen Schiela, krakjt to vestonen, waut dee doonen mott, om daut to volbrinjen, waut dee sikj em korten un fa lota väajenomen haft.

3. Low dienen Schiela emma wada doafäa, woo goot dee wiedakjemt.

4. Proow to vestonen, waut dienen Schiela trigjhelt, un halp dän, doaraun to schaufen.

1. Denkj mol äwa dit no:

   • Wan mien Schiela nich wiedakjemt toom sikj deepen loten, waut helt dän dan veleicht trigj?

   • Woo kaun ekj dän halpen verauntokomen?

2. Bäd to Jehowa, daut du kaust äwanäment sennen un gaunz op, oba leeftolich, doaräwa räden, waut dee doonen mott.

5. Wan de Schiela nich wiedakjemt, dan hia opp, met dän to studieren.

1. Toom utfinjen, aus dien Bibelschiela wiedakjemt, denkj mol äwa dit no:

   • Kjemt mien Schiela daut no, waut dee lieet?

   • Kjemt dee no de Toopkomes un rät dee met aundre äwa de Woarheit?

   • Haft dee aul fa een Stoot studieet un well oba nich eent von Jehowa siene Zeijen sennen?

2. Wan dien Bibelschiela nich well em jeisteljen wiedakomen:

   • Saj dän, dee saul doaräwa notodenkjen, waut am trigjhelt.

   • Saj dän opp eene frintelje Wajch, wuarom du nich mea met dän studieren woascht.

   • Saj dän, waut dee krakjt doonen mott, ea du wada met dän studieren woascht.