Timotäus wull aundre halpen

Timotäus es een junga Maun, waut sea behelplich es. Dee reist aulawäajen han, de Menschen doa bietostonen, un soo kaun dee sea väl beläwen. Wurscht du wellen mea äwa dän weeten? –

Timotäus waust en de Staut Liestra opp. Siene Groosmame Lois un siene Mame Eunike vetalen am von kjlien aun äwa Jehova. Doawäajen well hee von junk aun aundre halpen, mea äwa Jehova to lieren.

Paulus frajcht dän jungen Timotäus, aus hee metkomen well, uk aundatwäajen to prädjen. Timotäus es fuaz reed mettoreisen. Hee well de Menschen halpen.

Paulus un Timotäus reisen no eene Staut en Mazedonien, waut Tessalonich heet. Daut see doa hankomen kjennen, motten see wiet tofoot gonen un dan noch metem Schepp met. Aus see dan ieescht bat doa sent, kjennen see väl Menschen halpen, Jehova kjanen to lieren. Oba eensje woaren doll un wellen an Schoden aundoonen. Doawäajen motten Paulus un Timotäus von doa veloten un aundatwäajen prädjen.

Een poa Moonat wieda frajcht Paulus Timotäus, aus hee well trigj no Tessalonich gonen un seenen, woo de Breeda daut doa jeit. En dise Staut wieren de Menschen sea schlajcht to de Christen jewast, doawäajen es daut secha nich leicht fa Timotäus, doa wada hantogonen. Oba hee deit daut, wiels hee om de Breeda bekjemmat es. Aus hee trigjkjemt, brinjt hee Paulus goodet Nies. De Breeda en Tessalonich deenen Jehova noch emma tru.

Timotäus schauft väle Joaren met Paulus toop. Opp eene Sauz schrift Paulus, hee woat Timotäus no de Vesaumlungen schekjen, wiels dee an daut baste biestonen woat. Timotäus räakjent Jehova sea väl un uk de Menschen.

Räakjenst du aundre väl? West du dee halpen, mea äwa Jehova to lieren? – Wan du daut deist, dan woascht du kjennen väl beläwen un soo een tofrädnet Läwen haben aus Timotäus.