POAT 11

Oppjebrocht sennen

Reema 12:11

TOOPFOTUNK: Doo diene Toohiera Moot jäwen, waut to doonen, doaderch daut du oppjebrocht räden deist.

Lot die daut selfst to Hoaten gonen. Denkj biem reedmoaken sea doaräwa no, woo wichtich de Norecht es. Du saust met de Norecht soo goot bekaunt sennen, daut du von Hoaten räden kaust.
Denkj aun diene Toohiera. Denkj doaräwa no, woo aundre daut halpen woat, waut du läsen ooda lieren woascht. Äwalaj, woo du daut opp soone Wajch väabrinjen kaust, daut de Toohiera daut noch mea räakjnen, waut du sajchst.
Moak diene Oppgow läwendich. Räd met Jefeelen. Bruck uk diene Henj un dien Jesecht toom wiesen, waut du feelst.

Pauss opp, daut du nich emma deeselwje Bewäajungen moakst met diene Henj un dien Jesecht, wiels daut kunn de Toohiera auflenkjen. Moak soone Bewäajungen, waut doa biepaussen, waut du sajchst. Sie besonda dan oppjebrocht, wan du Hauptiedeeen utlajchst, un moak de Toohiera Moot, daut to doonen, waut du an lieescht. Pauss oba opp, daut du nich dän tietäwa soo sea oppjebrocht best, daut de Toohiera daut meed moakt.