Du kaust fa emma Gott sienen Säajen kjrieen

Gott vespruak dän Profeet Abraham, daut derch eent von siene Nokomen, wudden “aule Velkja oppe Ieed jesäajent woaren” (1. Mose 22:18). Wäa wudd dee Nokomen sennen?

Bie 2 000 Joa trigj jeef Gott Jesus de Macht, groote Wunda to doonen. Jesus staumd von Abraham auf. Aun dise Wunda wia to seenen, daut Jesus de vesproakna Nokomen wia, derch dän Gott aule Velkja säajnen wudd (Galata 3:14).

Jesus siene Wunda weesen, daut Gott am jewält haud toom de Menschen säajnen. Dee weesen uk, woo Gott derch Jesus de Menschen noch mol fa emma säajnen wudd. Oba waut lieren dee ons äwa Jesus selfst?

Leeftolich – Jesus heeld de Kranke

Een Leprakranka prachad Jesus, daut dee am heelen sull. Jesus foot dän aun un säd: “Ekj woa daut doonen”. Un de Krankheit veschwunk plazlich (Markus 1:40-42).

Friejäwrich – Jesus jeef de Hungaje Äten

Jesus wull de Menschen nich hungrich seenen. Mea aus eemol jeef hee dusende Menschen derch een Wunda to äten. Doatoo brukt hee bloos een poa Bieta Broot un een poa kjliene Fesch (Matäus 14:17-21; 15:32-38). Dee kunnen sikj aula saut äten un doa bleef noch een deel äwa.

Metliedent – Jesus wuak Doodes opp

Eene Wätfru äa eensja Sän storf un see haud sest kjeenem, waut fa ar oppkjeem. Jesus “jaumad . . . daut äwa ar” un wuak äaren Sän opp (Lukas 7:12-15).