EENE VETAL AUNFANGEN
1. KAPITEL
Äwa daut räden, waut aundre intressieet
De Gruntsauz: “Leew . . . es nich nosikj” (1. Kor. 13:5)
Woo deed Jesus daut?
1. Kjikj ieescht daut VIDEO ooda läs Johanes 4:6-9, un dan denkj äwa dise Froagen no:
Waut beoobacht Jesus bie de Fru, ea hee met ar räd?
Jesus säd to ar: “Jeff mie waut to drinkjen!” Wuarom wia daut eene goode Wajch, woo hee aunfunk, met ar to räden?
Waut lia wie von Jesus?
2. Daut es leichta, eene goode Vetal to haben, wan wie aunfangen, äwa soont to räden, waut de Menschen intressieet.
Woo kaust du Jesus nodoonen?
3. Stal die fa dän en. Wan du eene Vetal aunfangst, dan bliew nich bloos bie daut, waut du em Senn hautst, oba räd von daut, waut de Menschen em Kopp haben. Denkj mol äwa dit no:
Waut fa Norechten jeft daut?
Äwa waut räden miene Oabeitspoatna, Schoolpoatna ooda de Menschen rom ons?
4. Sie oppmoakjsom. Denkj mol äwa dit no:
Waut deit dee jroz? Wua es dee met siene Jedanken?
Woo lat dän, woo es dee aunjetrocken ooda woo sitt daut bie sien Tus? Waut wiest mie daut doaräwa, waut dee jleeft ooda woo dee oppjewossen es?
Es dit eene paussende Tiet toom met dänjanjen räden?
5. Horch too.
Räd nich too väl.
Moak daut leicht fa dänjanjen, to sajen, waut dee denkjt. Froag dän waut, wan daut paust.