22. KAPITEL
Woo kaust du met aundre von de goode Norecht vetalen?
Wan du de Woarheit ut de Schreft lieescht, dan denkjst du veleicht: “Jieda eena wudd daut sellen weeten!” Un daut es uk soo! Oba veleicht enjst die daut, aundre von daut to vetalen, waut du jelieet hast. Woo kaust du dise Angst äwakomen un aundre met Freid de goode Norecht brinjen?
1. Woo kaust du bekaunde Menschen daut vetalen, waut du jelieet hast?
Jesus siene Jinja säden: “Wie kjennen nich aundasch, aus doavon räden, waut wie jehieet un jeseenen haben” (Aposteljeschicht 4:20). Dee räakjenden de Woarheit soo väl, daut dee soo väl Menschen aus mäajlich wullen doavon vetalen. Jeit die daut uk soo? Wan jo, dan äwalaj, wanea doa eene feine Jeläajenheit es, daut du diene Famielje un Frind kaust leeftolich vetalen, waut du jelieet hast (läs Kolossa 4:6).
Woo du wurscht kjennen aunfangen
Wan du met diene Famielje ooda dien Frintschoft rätst, dan saj dit toom von de Schreft räden: “Ekj hab dise Wäakj waut feinet jelieet.”
Jeff eenen Frint, waut krank es ooda Sorjen haft, met eenen Bibelvarsch Moot.
Wan die wäa bie de Oabeit frajcht, woo die daut jeit, dan vetal dän, waut du bie dien Bibelstudium ooda enne Vesaumlunk jelieet hast.
Wies diene Frind de Websied jw.org.
Kroag aundre han, wan du de Bibel studieescht ooda wies dee, woo dee selfst kjennen opp jw.org no een Bibelstudium froagen.
2. Wuarom wudd daut fein sennen, met de Vesaumlunk toop to prädjen?
Jesus siene Jinja vetalden nich bloos met bekaunde Menschen von de goode Norecht. Jesus “schekjt dee emma twee un twee ver sikj no aul de Städa” (Lukas 10:1). Wäajen dee soo aus dit prädjen deeden, kunnen väl mea Menschen von de goode Norecht hieren. Met aundre toop prädjen, jeef de Jinja uk groote Freid (Lukas 10:17). Wurscht du die daut kjennen väanämen, met de Vesaumlunk toop to prädjen?
DOLLA UNJASTONEN
Lia, woo du diene Angst kaust äwakomen un woo väl Freid daut jeft, aundre von de goode Norecht to vetalen.
3. Jehova woat die biestonen
Eenje haben Angst, waut aundre von an denkjen woaren, wan see prädjen gonen ooda woo dee to an sennen woaren.
Grulst du die doafäa, aundre von daut to vetalen, waut du jelieet hast? Wuarom wurscht du daut sajen?
Kjikjt daut VIDEO un dan got toop de Froag derch, waut hia aunjejäft es.
Waut holp dise junge Menschen, nich mea soo Angst to haben?
Läst Jesaja 41:10 un dan got toop dise Froag derch:
Woo kaun daut Jebäd die halpen, wan du Angst hast to prädjen?
Hast du daut jewist?
Väle von Jehova siene Zeijen dochten mol, daut see kjeenmol wudden kjennen de goode Norecht prädjen. Soo wia daut biejlikj bie Sergei. Hee feeld sikj sea läach un wia sea bleed. Oba dan funk hee aun, de Schreft to studieren. Hee sajcht: “Wan ekj uk Angst haud, räd ekj doawäajen to aundre von daut, waut ekj lieed. Un ekj sie doaderch mau rajcht äwanämenda jeworden! Un daut haft uk mienen Gloowen stoakja jemoakt.”
4. Wies Respakjt
Wan du von de goode Norecht räden west, dan äwalaj nich bloos, waut du sajen west, oba uk, woo du daut sajen west. Läst 2. Timotäus 2:24 un 1. Petrus 3:15 un dan got toop dise Froagen derch:
Woo kjennen dise Varzhen die halpen, wan du met aundre von de Schreft räden west?
Eenje von diene Famielje ooda Frind stemmen veleicht nich met die met. Waut kaust du dan doonen? Waut wurscht du nich sellen doonen?
Wuarom es daut bäta, leeftolich Froagen to stalen, enne Städ dee to sajen, waut see jleewen sellen?
5. Met aundre äwa de goode Norecht räden brinjt Freid
Jehova jeef Jesus daut opp, de goode Norecht to prädjen. Woo docht Jesus äwa dise Oabeit? Läst Johanes 4:34 un dan got toop dise Froagen derch:
Goodet Äten helt ons aum Läwen un moakt ons schaftich. Wuarom vejlikjt Jesus Gott sienen Wellen doonen, soo aus de goode Norecht prädjen, met Äten?
Waut vonne Freid kaun daut brinjen, wan eena aundre von de goode Norecht vetalt?
Rot
En daut Toopkomen enne Wäakj acht doaropp, woo eena kaun eene Vetal aunfangen.
Froag dienen Liera, woo du bie daut Toopkomen enne Wäakj en de School metmoaken kaust. De Schooloppgowen woaren die halpen, daut die daut leichta es, met aundre von daut to räden, waut du lieescht.
Bruck daut Poat “Waut eenje sajen” ooda “Eenje froagen veleicht” von dit Buak toom eewen, waut du wurscht sajen, wan wäa met soont oppkjeem.
EENJE FROAGEN VELEICHT: “Waut hast fa Nies?”
Woo wurscht du dise Jeläajenheit kjennen woanämen toom dänjanjen von daut vetalen, waut du ut de Schreft jelieet hast?
KAPITEL TOOPJEFOT
To aundre von de goode Norecht räden brinjt Freid. Un doamet aunfangen kaun veleicht leichta sennen, aus du denkjst.
Waut hast du jelieet?
Wuarom saul eena aundre von de goode Norecht vetalen?
Woo kaust du daut met Respakjt doonen?
Woo kaust du diene Angst äwakomen to prädjen?
MEA NOSIEEKJEN
See mol veatlei, woo du met aundre leicht kaust von de goode Norecht räden, wan du daut jw.org-Koatje brukst.
Lia mol vea Sachen, waut die halpen woat, aundre von de goode Norecht to vetalen.
“Best du reed, een Menschenfescha to woaren?” (De Woaktorm, Septamba 2020)
Kjikj, woo eene biblische Jeschicht eenem kaun Moot jäwen, to aundre von de goode Norecht to räden; mau rajcht wan eena noch junk es.
Finj ut, woo du kaust met wäm von diene Famielje von de Schreft räden, waut noch nich haft von Jehova jelieet.
“Woo wie ons Frintschoft kjennen halpen, Jehova to deenen” (De Woaktorm, 15. Moaz 2014)