Nich too schwind oppjäwen

De Gruntsauz: “Un see hieeden nich opp, . . . [de goode Norecht] to vekjindjen” (Apj. 5:42, JHF)

Woo deed Paulus daut?

De Apostel Paulus rät to eenje Menschen en eene School von de goode Norecht.

VIDEO: Paulus jeft nich opp, en Efesus to prädjen

1. Kjikj ieescht daut VIDEO ooda läs Aposteljeschicht 19:8-10, un dan denkj äwa dise Froagen no:

Paulus jeef nich opp, wan eenje uk jäajenaun wieren. Woo deed hee wieda dee halpen, waut intressieet wieren?
Woo foaken jinkj Paulus doa wada han, om de Intressieede to lieren, un fa woo lang deed hee daut?

Waut lia wie von Paulus?

2. Wie motten ons Tiet nämen un ons aunstrenjen, om goode Wadabesuchs to moaken un Bibelstudiums auntofangen.

Woo kaust du Paulus nodoonen?

3. Go doa to dee Tiet han, wan dän Intressieeden daut paust. Denkj mol äwa dit no: Wua un wanea wurscht du dän daut baste wada trafen kjennen? Wanea wudd dee uk werkjlich Tiet haben toom met die vetalen? Sie reed, doa wada hantogonen, wan daut fa die uk nich de baste Tiet es.

4. Berät junt eene fauste Tiet. Proow jiedatsmol, ea du doa velatst, eene fauste Tiet to beräden, wanea jie wada vetalen woaren, un dan hool die uk doaraun.

5. Velia nich de Hopninj. Denkj nich fuaz, daut dän de Woarheit nich intressieet, bloos wäajen dee foaken nich tus es ooda ernoa drock es (1. Kor. 13:4, 7). Dauts goot, wan du nich too schwind oppjefst, oba denkj uk doaraun, diene Tiet goot uttonutzen (1. Kor. 9:26).

LIA NOCH MEA DOARÄWA

Apj. 10:42, NW; 1. Kor. 9:22-23; 2. Kor. 4:1; Gal. 6:9