POAT 10

Stemmveendrunk

Spricha 8:4

TOOPFOTUNK: Moak de Iedeeen kloa un räd de Toohiera doaderch to Hoaten, daut du daut veendascht, woo lud du rätst, met waut fa eenen Toon un woo bosich.

WOO EENA DAUT DOONEN KAUN:

Räd nich emma jlikjen lud. Räd luda, wan du eene Hauptiedee west dietlich moaken ooda de Toohiera dän Moot jäwen west, waut to doonen. Doo daut uk, wan du eenen Bibelvarsch läst, wua irjentwäa ooda irjentwaut veuadeelt woat. Räd stella, wan du de Toohiera west to waut nieschierich moaken ooda wan du von waut rätst, waut met Forcht ooda Angst to doonen haft.

Räd nich too eendrajchtich soo lud, aus hieet sikj daut no utgrunzen. Pauss opp, daut du daut met de Stemmveendrunk nich too oajch moakst, sest denkjen de Toohiera bloos noch aun die.
Räd nich emma met dänselwjen Toon. Wan daut opp diene Sproak paussent es, veenda dän Toon toom bejeistat räden ooda wan du doavon rätst, woo lank ooda wiet auf waut es. Go rauf met dän Toon, wan du von Sorjen ooda Angst rätst.
Räd nich emma jlikjen bosich. Wan du die äwa eene Sach tieren west, dan räd bosja. Räd sachta, wan du äwa waut wichtjet räden deist.

Doamet daut aunjenäm es, die tootohieren, räd nich eemol langsom un plazlich wada bosich. Doo nich soo bosich räden, daut daut nich mea kloa to vestonen es.