Sto nich stell!

1. Sto nich stell, wiels Gott well, daut wie riepa woar’n!

Lot daut Woarheitslicht schien’, moak daut aule Menschen kloa.

Strenj die aun, daut dien Deenst emma bäta woat,

un froag Gott no siene Help.

Daut’s ’ne Iea, no de Menschen to gon’.

Jesus selfst haft daut krakjt soo jedon’.

Hool die faust aun Jehova, om fausttoston’,

om to doon’, waut hee ons sajcht.

2. Bliew nich ston’, well wie gon’ un de Norecht brinj’.

Soo kjenn’ Menschen de Woarheit un woare Hopninj finj’.

Sie biem prädjen nich bleed, doo die selfst bedwinj’

un sie emma stoakj un brow.

Jäajna jleewen, see moaken ons Angst.

Doo bloos tru, waut Jehova velangt.

Bäd om Moot toom von Gott un sien Rikj vetal’n.

Lot biem prädjen kjeenmol no.

3. Go veraun, strenj die aun, nemm de näakjste Staup.

Woa jeschekjta em Deenst,

wiels doa mott noch väl jeschauft.

Froag Jehova en aules no Freid un Krauft,

lot die leiden von sien’ Jeist.

Wan wäa horcht, dan go boolt wada han.

Halp dän, Gott siene Leew to erkjan’.

Brinj dän bie, en sien’ Deenst uk väl Moot to ha’n,

daut Jehova woat jepreist.