Iedee toom waut noforschen

Help toom Kjinja lieren

Elren haben de groote Veauntwuatunk, äare Kjinja von Jehova to lieren (Efs. 6:4). Jehova siene Organisazion haft een deel Artikjels, Videos un Leeda uzhent doatoo reedjemoakt toom de Elren doabie unjastetten. Woo kjenn jie aul dit brucken toom june Kjinja lieren?

• Go opp jw.org. Opp dise Websied finjst du aules, waut fa junge Menschen rutjejäft wort, soo aus Videos un aundret toom läsen.a Toom dee finjen, schriew en daut Sieekj-Kaustje “Kjinja” ooda “Jugentliche” nenn.

• Sieekj die waut paussendet ut. Bie daut Poat “Kjinja” jeft daut Videos, Leeda un Oabeitsbläda. Un doa sent uk noch soone Bieekja aus: “Well wie Bibelstund haben”, “Goode Lieren ut de Bibel” un “Miene kjliene Bibel-Fiebel”. Von doa kaust du die soont utsieekjen, waut fa dien Kjint daut baste wudd sennen.

• Nemm die Tiet. Bruck de Videos un de aundre Sachen nich bloos doatoo, om diene Kjinja drock to hoolen. Enne Städ daut besee die daut met dee toop un halp dee, bätre Frind met Jehova to woaren.