Yobo

 2 “Yadiago, mudi mala atema,*

gula muafua, nga muthu mumoshi watema mbagashigo musala!

 4 Ngabua gami gima gia gulelesa gudi mafuta ami,

ngabua nji muthu udi mutamega Nzambi ha guheta mvutu.

 5 Muthu udi genji muabonga udi musegulula malamba,

udi mutangiza egi ana buila phamba athu adi muya nu gukhakhuga.*

 6 Tenta jia nzangi jidi mu guhuima,

athu ana hana Nzambi khabu, adi nji mu guhuima,

adi nu isongo ana kombelela ha mago.

 7 Uvi ngabuba, hula shitu, mbajigulongesa;

hula nji tunjila tua gosa, mbatuguwambela.

 8 Nga ndo tala* mavu, ene mbaagulongesa;

jishui jia mu kianga mbajiguwambela nji giamatshidia.

 9 Mukatshi dia ima eyi yagasue, itshi ishigo mujiya egi

koko dia Yehowa diakalegele ndaga eyi?

10 Monyo wa ima yagasue* udi ha mago enji,

monyo* wa athu agasue nji udi ha mago enji.

11 Matshui anago gulola mbimbi

gifua luholo ludimi luana lola ima ya gudia ba?

13 Muene wana khala nu gutema nu ngolo;

udi nji nu malongo nu ndunge.

14 Gula muene wamuanga gima, giajiyilego gutungiwa luko;

gula muene wakanga, nga muthu gajiyilego gukangula.

15 Gula muene wakuata meya, ima yagasue yana migina;

gula waatuma, ana zalesa mavu.

16 Ngolo nu ndunge jiana khala gudi muene;

muthu udi mutshita gubola nu muthu udi mutuma athu ako ha gutshita gubola adi ha mago enji.

17 Muene wana wendesa ahanyi a malongo malu a gituhu,*

wana buisa nji manzuji enya maluiyi.

18 Wana jitulula shinga jinyi mafumu ana jitshiga athu gu ngolo,

wana guajitshiga nji mukaba ha kete.

19 Muene wana wendesa nganga-nzambi malu a gituhu,

wana katula mafumu anyi ajigamesele gale ufumu wawo.

20 Muene wana tambula mbimbi gudi ahanyi a malongo anyi athu ana shila mutshima,

wana katula nji ungambi gudi athu agukola.*

21 Wana segulula manene,

wana lebesa nji enya ngolo.*

22 Wana monesa haphelo ndaga jidi jia gusuega mu phipha,

wana buisa nji phipha yakola muanya.

23 Wana buisa ifutshi nu ngolo ha guyishiya,

wana komesa nji ifutshi ha guyibata mu uhiga.

24 Muene wana tambula ndunge* jia atuameji a athu,

wana guawunganesa mu mavu a luselenga ashigo nu njila.

25 Adi muya nu gu phaphata mu phipha fundo dishigo nu kiajiji,

muene udi guawunganesa gifua athu akuatewa matombe.