Yobo
16 Yobo wamuhanele mvutu egi:
2 “Ngavi gale ndaga jiavula jia luholo elu.
Mukut’enu agasue muaji ha gunguhana gikhesa, uvi mudi gungusagesa muavula!
3 Mbimbi jia githuhu* jiana khala nu gisugishilo ba?
Itshi idi gugutuma ha gunguvutudila ngegi?
4 Ngajiya nji guzuela gifua enue.
Gula nga enue muatagana nu ndaga jiangubuila,
nga ngazuedi mbimbi ha gumitshiginyisa
nu gunyigisa muto wami gudi enue.
5 Ha fundo dia gutshita ngenyi, ngakhadi naye gumihana gikhesa nu mbimbi jia mukano diami,
mbimbi jiabonga ngudi muzuela jiakhalele naye gumikuatesa.
6 Gula ngazuela, lamba diami dishigo muhua,
gula ngabemba guzuela, lamba diami mbadishigo nji muhua.
7 Uvi henyaha, muene wangulebesa diago;
wamanesela athu agasue a mu inzo yami.*
8 Wangukuata nji, yabua gifua uthemua,
henyaha gukhuwa guami gudi gungufunda.
9 Khabu jienji jiangubatula itshinyi-itshinyi, udi mulandula gungubambela umbalagaji.
Gula muene wangumona udi gunguvuila khabu.*
Mbalagaji wami udi gungutala nonono nu meso abola.
10 Akangula diago makano awo ha gungusagesa,
anguwashi mbanda mu mabutu, angusegulula nji;
athu avula adibungisa ha gunguluisa.
11 Nzambi wanguhana ha mago a ana azonda a mala,
wangubishila ha mago a muthu wabola.
12 Ngakhadi gami mu guhuima, uvi muene wangubogola;
wangukuata mu shingo, wasendesa gungutshiongonona;
gungima wanonga mifula yenji gudi ame.
13 Masuta enji anyi ana sonona mifula angujieta;
watobola jiso jiami nu gunguvuila ndo khenda;
wamuanga ndula-ngandu* yami mu mavu.
14 Ngudi gifua gibayi gidi muene mulandula gukobola nu mawina;
udi muza phushi gudi ame gifua suta.
16 Phala yami yabenga baba mukunda nu gudila,
gu meso guangubuita,*
17 Ngatshima mago ami atshitshilego nga ndaga imoshi yabola,
gisambu giami nji gidi giaphelegeta.
18 Oo mavu, utshuigigo mahatshi ami!
Gudila guami nji gukhadigo nu fundo dia guhuluguga!
19 Henyaha temue wami udi mu dilu;
muthu wajiya gungutela uthemua udi gosa.
20 Mafuta ami adi gungulela
tangua meso ami adi muzola masoji gudi Nzambi.
21 Muthu mumoshi abatule mulonga wa muthu nu Nzambi,
gifua luholo muthu wajiya gubatula mulonga wa athu muyadi.
22 Handaga ivo idi muza idi yazonda,
mbanguya mu njila inyi athu anago guvutuga luko.