Yobo

 2 “Gishina giene matangi adi gungusagesa angutuma ha guhana mvutu

handaga ngudi gudisagesa muavula.

 3 Ngavui ndaga jiabola wazuedi ha gungushinga;

ndunge jiami jidi gungutuma ha guguhana mvutu.

 4 Idi yadiago egi wana jiya gale ndaga eyi,

handaga sendese hafugiwe muthu* ha mavu, ndaga jiana khala luholo elu,

 5 gusuanguluga gua muthu wabola guana khala mukunda nu tangua diazonda,

gusuanguluga gua muthu ganago gunemesa Nzambi* guana khala nji mukunda nu tangua diazonda.

 6 Ikhale gukoma guenji guakanduga uu nu mu dilu

muto wenji nji wakuata matuta,

 7 muene mbawutota mayilago gifua muana tota tuji tuenji;

athu akhalele gumumona mbaazuela egi: ‘Udi gui?’

 8 Mbawutota gifua nzoji, athu mbaashigo gumumona;

mbawukayewa gifua vizio ya mu phipha.

 9 Diso dia mumonele mbadishigo luko gumumona,

fundo dienji nji mbadishigo luko gumumona.

10 An’enji mbaakamba egi phutu jiaavuile khenda,

mago enji hakhenji mbaavutula umonyi wenji.

11 Mifuwa yenji yakhalele nu ngolo jiavula hakhalele muene muvuala,

uvi mbayibanda nenji mu fuphi.

12 Gula gima giabola gidi giafula mukano dienji,

muene wagisuega goshi’a ludimi luenji,

13 nu wagivua gufula nu gugibemba ndo

uvi wagibamba mu kano dienji,

14 gula ima yabonga yangina mu vumo dienji, mbayibua yalula;

mbayibua gifua puazo ya kobra* mu muila wenji.

15 Muene waminya umonyi, uvi mbawulusa umonyi wene;

Nzambi mbawuzola umonyi wene wagasue mu vumo dienji.

16 Muene mbawunua malengo-lengo a kobra;

mazo* a vambu mbaamushiya.

17 Muene mbagamonyigo tumita,

tumita tuazala pha nu wigi nu manteka.

18 Muene mbawuvutula ima yenji guyidia ndo;*

mbagashigo musuanguluga nu umonyi wa mungenda wenji.

19 Handaga muene wasagesele phutu nu wajibembele;

watambudile inzo inyi gatungilego.

20 Mbagashigo mukhala nu guhuima;

umonyi wenji mbawushigo gumukuatesa ha guhuluga.

21 Gushigo nga nu gima giamusala ha gudia;

gishina giene umonyi wenji mbawushigo mushipha.

22 Tangua umonyi wenji mbawudivudisa muavula, gikenene mbagimukuata;

malamba akola mbaamubuila.

23 Tangua mbadizalesa muene vumo dienji,

Nzambi* mbawumuvuila khabu jiakola,

khabu jiene mbajimubuila gifua mvula uu nu mu mala enji.

24 Tangua mbadilenga muene iluilo ya utadi,

mifula ya uta wa manana wa kuivre mbayimutua.

25 Muene udi munana mufula wamutui ha kunda dienji,

nu mufula udi muhenya gu ndula-ngandu* yenji,

woma wakola wamukuata.

26 Phipha yakola idi munengena umonyi wenji;

tshuya tunu nga muthu galemeselego* mbatumukonda;

malamba adi munengena muthu wagasue mbawuhuluga mu tenta yenji.

27 Dilu mbadimonesa haphelo gubola guenji;

mavu mbaazuga ha gumuluisa.

28 Mvula yakola mbayihungumuna inzo yenji;

meya mbaakhala avula mu lusugu lua khabu jia Nzambi.*

29 Diene shinda diana hana Nzambi gudi muthu wabola,

shinda diahagele Nzambi mukunda nu muthu muene.”