Yobo
25 Biledade muenya gu Shuha wamuvutudile egi:
2 “Ufumu nu ngolo jiana vuisa woma jidi jienji;
muene wana haga guhuima mu dilu.
3 Masuta enji ajiya gutangewa ba?
Gudi nanyi muanya wenji wanago guzoga?
4 Na luholo lutshi muthu wa ha mavu wajiya gukhala muthu wabonga gutuama dia Nzambi?
Nga ndo luholo lutshi muthu wavualewa gudi mukhetu wajiya gukhala gubola ndo?*
5 Gu meso enji ikhale mbeji ishigo nu kiajiji*
themua nji jishigo jiaphelegeta,
6 na itshi tuajiya guzuela mukunda nu athu a ha mavu adi gifua mavinyo?
Nu mun’a muthu udi gifua ngongo!”