Yobo

28 “Gudi nu fundo diana zolewa utadi wa siliva

nu fundo mukunda nu wolo ana phelegetesa;

 2 utadi wana zolewa mu mavu,

kuivre yana zozewa mu maseso.

 3 Muthu udi mubata muenda ha fundo didi phipha;

udi muya ha fundo didi diago dilabui,

ha gukamba maseso a ndando.

 4 Muene udi muhaga wina gualeha nu fundo diana khala athu,

mu mafundo athu abuitshile gale mutshima, gualeha nu fundo diana wendela athu;

mala ako adi mubulumuga, adi muzenzelela mu ngonji.

 5 Ima ya gudia yana zoga holu dia mavu;

uvi goshi, mavu ene adi mumonega gifua azangelewe gale gu tshuya.*

 6 Mu maseso mudi nu safire,

wolo nji udi mu fuphi.

 7 Gushigo nga ganjila gamoshi gana dia misunyi gadi mujiya njila yene;

meso a milana* yabuita khenji ayimonele galego.

 8 Shitu jiakoma jia mu foto khenji jiawendele galego mu njila yene;

mutumba wa khoshi nji khenji wahetele galego guene.

 9 Muthu udi mutawula seso diakola* nu koko dienji;

udi mubalumuna milundu gu fondasio yayo.

10 Muene udi muhaga njila jia meya mu maseso;

meso enji adi mumona ima yagasue ya ndando.

11 Muene udi mukanga ito ya mita

udi nji muzola ima yakhadi ya gusuega mu muanya.

13 Gushigo nga nu muthu udi mujiya ndando yajio,

jiajiyilego nji gumonewa mu mavu ana jinga athu.

15 Jiajiyilego gusumbiwa nu wolo wabonga;

ajiyilego nji guthesa gunema gua utadi wa siliva ha guwusombegesa nu ndunge.

16 Jiajiyilego gusumbiwa nu wolo wa Ofile

nga nu maseso a ndando a onikise nu a safire.

17 Ndunge jiene jiajiyilego gufuanesewa nu wolo nga nu nganza;

ikhale bungu dialondewa nu wolo wabonga diajiyilego gusombegesewa nu ndunge.*

18 Tuajiyilego gujifuanesa nu korayi nga nu kristale,

handaga kuba dia guzala nu ndunge didi nu ndando yavula gubalega kuba dia guzala pha nu misanga.

19 Ajiyilego nji gujifuanesa nu seso dia Topaze dia gu Kushi;

jiajiyilego gusumbiwa nga nu wolo wabonga.

21 Ndunge jidi jia gusuega gu meso a gima giagasue gidi nu monyo,

jidi nji jia gusuega gudi tunjila tua gosa.

23 Nzambi udi mujiya njila ya guhetela ndunge;

phamba muene wana jiya fundo jiana khala,

24 handaga muene wana tala uu nu gu gisugishilo gia mavu,

wana mona ima yagasue idi gosh’a dilu.

25 Tangua diahanele muene muhehe ngolo*

nu wazongele meya,

26 nu tangua diahagele muene mikhuala mukunda nu mvula

nu njila mukunda nu matuta a mvula yakola nu miandu;

27 gungima wamonele ndunge,

wamonesele gula ndunge jiene jidi itshi;

wajihagele nu wajilolele.

‘Tala! guvuila Yehowa woma gudi mukotelesa gukhala nu ndunge,

gutuna ndaga jiabola gudi mukotelesa gukhala nu gutema.’”