Yobo

30 “Henyaha athu adi gungulela

athu ene adi ana azonda gu meso ami,

ngakhalele naye gutunyisa ash’awo

ha gukhala hehi nu jimbua jiakhalele mubamba shitu jiami.

 3 Uphutu nu nzala yaalebesele gale;

adi mutshiaguta ima adi mumona mu mavu a gimigina

mavu ene abolesewe gale nu abuile makhulu.

 4 Adi muhala mayiji a mungua gu tumitshi;

ima yawo ya gudia idi miji ya mitshi ya jene.

 5 Adi mukayewa mukatshi dia athu;

adi mumbiwa milolo gifua nzangi.

 6 Adi mujinga hehi nu mabengi,*

mu mawina adi mu mavu nu mu maseso.

 7 Adi mukaluguga gu tumitshi,

mukut’awo agasue adibubiga mukatshi dia miya.

 8 Akayewe mukatshi dia gifutshi,

gifua ana a athu a githuhu nu a athu ashigo mujiyiwa majina.

 9 Uvi henyaha adi gungulela uu nu mu ngimbo jiawo,

ngabua gami gifua gima gia guweya* mukunda nu ene.

10 Adi gungusanginyiga, adi nji gualeha nu ame;

adi gungufita mate gu phala.

11 Handaga Nzambi wangulebesa* nu wangubulumuisa gami,

tangua adi gungumona, ashigo gudikanda ha gungukalegela ndaga mu luholo luabola.

12 Adi muzuga gu koko diami dia madia gifua thundu ya mbundudi;

adi mutshita egi ngulenge,

adi mukanga njila yami hagula ngushiyiwe.

13 Adi muzangela njila jiami,

adi mubuisa malamba ami akola;

gushigo nga nu muthu wajiya guakanga njila.*

14 Adi muza gifua athu adi muzogela mu wina diakoma dia gibayi;

adi muya ha fundo diabolesewe gale.

15 Woma wakola wangukuata;

ginemua giami giaya gifua muhehe,

uhuluishi wami watota gifua tuta.

16 Henyaha masugu a monyo wami adi mutshigina guhua;

masugu a lamba angukuata.

17 Mu phipha ngudi muvua gubala mu ifuwa* yami;

gubala guene gushigo muhua.

18 Ngolo jiakola jidi mubolesa mulele wami;*

muene udi gungukama gifua shingo ya mulele.

19 Nzambi wangubishila mu ithotho;

ngabua gifua fuphi nu uto wa ha jigo.

20 Ngudi mukaluguga gudi aye ha gutoga ukuateshi, uvi ushigo gunguhana mvutu;

ngazuga mu molu, uvi udi gungutala khuta ngenyi.

21 Wangubalumugila nu khuta yagasue;

udi mukalegela ngolo jiagasue jia mago aye ha gunguluisa.

22 Udi gunguthuphula nu gungubata mu muhehe;

gungima udi gungunyigisa mu funji yakola.*

23 Handaga ngudi mujiya egi mbawungubata gu gufua,

gu inzo yanaya gudibungisa athu agasue adi nu monyo.

24 Uvi gushigo nga nu muthu wajiya guluisa muthu udi ya gubogoga*

hadi muene mukaluguga ha gutoga ukuateshi mu tangua didi muene nu lamba.

26 Ngatshima ngakhalele gudifelela ndaga jiabonga, uvi ndaga jiabola jiangubuidile;

ngakhalele munengenena muanya uvi phipha yangubuidile.

27 Gikenene giami giakhalelego muhua;

masugu a malamba angusagesele.

29 Ngabua gami phangi’a shitu ya kombe

ngabua nji phangi’a ana a njila ya otrishe a akaji.

30 Gilema* giami giabuita nu gidi muzululuga,

muila wami* washidila mukunda nu kiza.*

31 Gitare giami gidi mukalegewa phamba mukunda nu masaga,

lumbinga* luami, ludi mukalegewa phamba mukunda nu matululu a gudila.