Ngimbo
Lungimbo lua Asafe.
79 Oo Nzambi, ifutshi yanginyile mu mavu wahanele athu aye;
yazangelele tempelo yaye ya gijila;
yabuishile Yelusalema makhulu.
2 Ifutshi yene yahanele imbi ya akombeledi aye gudi tunjila tua gosa ha gudia,
yahanele misunyi ya athu aye a gujinginyina gudi shitu jia mu foto jia ha mavu.
3 Yabundudile mahatshi awo gifua meya mu khulo ya Yelusalema,
gushigo nga nu muthu wa gufunda imbi yawo.
4 Athu adi hehi nu esue adi gutusegulula;
adi gutushinga nu adi gutulela.
5 Oo Yehowa, uu nu tangua ditshi mbawulandula guvua khabu? Mayilago ba?
Uu nu tangua ditshi khabu jiaye mbajilandula gulemuga gifua tshuya?
6 Khabu, vuila ifutshi inyi ishigo gugujiya,
nu mawufumu anyi anago gutamega jina diaye.
7 Handaga ashiya Yakoba,
abolesa gifutshi gienji.
8 Uhagigo gubola gua akhakh’etu ha mito yetu.
Tuvile khenda mu phushi,
handaga tudi ya gubua hashi.
9 Oo Nzambi muhuluishi wetu, tukuatese
mukunda nu jina diaye dia lutumbu;
tuhuluise, tutotesele gubola guetu mukunda nu jina diaye.
10 Mukunda natshi ifutshi idi naye guzuela egi: “Nzambi wawo udi gui?”
Tumutshigina gumona tangua ifutshi mbayijiya
egi aye wavutuile gubola mukunda nu mahatshi a enya mudimo aye anyi abundudiwe.
11 Tegelela isugu idi mumba muenya bologo.
Mu ngolo jiaye jiavula,* bamba* athu adi naye gushiyiwa.*
12 Oo Yehowa, hana athu adi mujinga hehi nu esue ndola mbala 7
mukunda nu mashingo agushingile.
13 Ngenyi esue athu aye, imeme yaye wana disa,
mbatuguhana mersi mayilago;
nu mbatulongesa lutumbu luaye mu indongo yagasue.