Psalm

145 O God, King blo mi, bae mi mekhae lo iu,+

Bae mi praisem nem blo iu for olowe.+

 2 Lo full day bae mi praisem iu,+

Bae mi praisem nem blo iu for olowe.+

 3 Jehovah hem nambawan, and barava fit for kasem praise,+

Hard for man minim evri nambawan samting wea hem duim.+

 4 Lo evri genereson olketa bae mekhae lo olketa waka blo iu,

Olketa bae story abaotem olketa bigfala samting iu duim.+

 5 Olketa bae story abaotem bigfala glory blo iu+

And mi bae ting raonem olketa nambawan waka blo iu.

 6 Olketa bae story abaotem olketa sapraesing samting wea iu duim,*

And mi bae talemaot wei wea iu barava strong.

 7 Olketa bae barava hapi, taem olketa tingim bak staka gud samting wea iu givim,+

And olketa bae singaot witim hapi bikos lo wei wea iu raeteous.+

 8 Jehovah hem tingim* man, and hem garem bigfala mercy,+

Hem no savve kros kwiktaem, and loyal love* blo hem big tumas.+

 9 Jehovah hem gud tumas lo evriwan,+

And mercy blo hem showaot lo evri waka blo hem.

10 O Jehovah, evri waka blo iu bae mekhae lo iu,+

And olketa wea loyal lo iu bae praisem iu.+

11 Olketa bae talemaot glory blo rul blo iu+

And story abaotem bigfala paoa blo iu,+

ל [Lamed ]

12 For mekem pipol savve lo olketa bigfala samting iu duim+

And hao iu rul wea barava nambawan.+

13 Wei blo iu for rul hem stap for olowe,

And lo evri genereson paoa blo iu for rul bae stap.+

14 Jehovah sapotim evriwan wea klosap foldaon+

And liftimap evriwan wea baodaon.+

15 Evriwan luk lo iu for helpem olketa,

Iu givim olketa kaikai lo evri season.+

16 Iu openem hand blo iu

And givim lo evri samting wea laef, wanem olketa laekem tumas.+

17 Jehovah hem raeteous lo evri wei blo hem+

And hem faithful lo evri samting hem duim.+

18 Jehovah hem stap klosap lo evriwan wea kol lo hem,+

Evriwan wea kol go lo hem witim honest fasin.*+

19 Hem givim lo olketa wea fraet lo hem wanem olketa laekem tumas,+

Hem herem krae blo olketa for help, and hem rescuem olketa.+

20 Jehovah protectim evriwan wea lovem hem,+

Bat evri wicked pipol bae hem finisim olketa.+

21 Mouth blo mi bae talemaot praise lo Jehovah,+

Evri samting wea laef mas praisem holy nem blo hem for olowe.+