Wanem for Talem Abaotem Olketa Magasin

Wastaoa Jan-Mar

“Plande pipol prea for Kingdom bilong God for kam. Olsem example, Jesus lanem disfala prea long olketa follower bilong hem. [Readim Matthew 6:9, 10.] Waswe, iu enitaem ting raonem wanem nao disfala Kingdom and wanem taem nao datwan bae kam? [Weit for hem ansa.] Disfala magasin storyim samting wea Bible talem abaotem diswan.”

Awake Jan.

“Evri marit garem olketa hard taem. Long tingting bilong iu, olketa wea marit savve kasem gudfala advaes long wea? [Weit for hem ansa.] Tingim disfala toktok long Bible. [Readim Ephesians 5:​22, 25.] Start long page 28 long disfala magasin hem storyim stretfala wei for wanfala waef obeyim hasband bilong hem.”

The Watchtower Feb. 1

“From olketa problem wea iumi garem distaem, long tingting bilong iu, waswe, fit for iumi kasem trufala peace? [Weit for hem ansa.] Wei for ting raonem hope abaotem future long Bible hem helpem plande pipol. [Readim wanfala scripture wea stap long datfala story.] Disfala magasin storyim samting wea Bible talem abaotem hu nao wakem iumi, why nao hem wakem iumi, and wanem nao bae kamap long future.”

Awake Feb.

“From plande pipol duim rabis samting distaem, plande pipol no feel sef. Long tingting bilong iu, waswe, evri samting bae kamap gud moa? [Weit for hem ansa.] Lukim naesfala profesi long Bible. [Readim Psalm 37:10.] Disfala magasin storyim why nao rabis samting hem kamap and samting wea Bible storyim wea bae finisim datfala problem.”