Wanem for Talem Abaotem Olketa Magasin

The Watchtower March 1

“Long tingting bilong iu, waswe, Bible hem Word bilong God or hem wanfala naes buk nomoa? [Weit for hem ansa.] Lukim samting wea Bible talem. [Readim 2 Timothy 3:​16, 17.] Disfala magasin savve helpem iu for disaed sapos Bible hem Word bilong God, and why hem important for duim datwan.”

Awake! March

“Maet iu laekem tu olketa samting wea God wakem wea luk naes tumas. Waswe, iu agree olketa samting wea God wakem wea showimaot wisdom bilong hem? [Weit for hem ansa. Then readim Psalm 104:24.] Disfala magasin storyim olketa samting hia and wanem iumi savve lanem.”

Wastaoa April-June

“Samfala buk talem Jesus no dae olsem Bible storyim bat sei hem marit and garem pikinini. Waswe, iu herem datwan tu? [Weit for hem ansa.] Hem important for savve long tru story. [Readim John 17:3.] Disfala article storyim olketa reason for trustim wanem Bible talem abaotem Jesus.” Storyim article wea start long page 26.

Awake! April

Readim Psalm 37:​9-​11. Then ask olsem: “Taem olketa samting wea disfala scripture storyim kamap tru, laef long disfala world bae hao? [Weit for hem ansa.] Disfala article hem storyim profesi wea savve encouragem iumi and why iumi lukim staka nogud samting wea happen distaem.” Storyim article wea start long page 20.