Wanem for Talem

For Startim Study Long First Saturday Long March

“Hao nao olketa law bilong God savve helpem iumi saed long health?” [Weit for hem ansa.] Then givim hem wanfala Wastaoa bilong January-March and storyim mek-tu kwestin long page 16 and readim wan or tufala scripture. Offerim magasin and markem taem for go bak and storyim ansa bilong next kwestin.

The Watchtower February 1

“Armageddon hem samting wea staka pipol story abaotem. Long tingting bilong iu, man savve duim eni samting for stopem Armageddon? [Weit for hem ansa.] Disfala word ‘Armageddon’ hem stap long disfala scripture. [Readim Revelation 16:16. Then showim kava long magasin.] Disfala magasin storyim ansa from Bible for tufala kwestin hia.”

Awake! February

“Staka distaem laek for story witim olketa narawan long Internet. Waswe, iu ting diskaen wei for story hem garem eni danger long hem? [Weit for hem ansa.] Samfala principle long Bible savve helpem iumi for luksavve long samfala danger. [Lukim page 6-9 and storyim wanfala long fofala kwestin and scripture wea stap witim.] Disfala magasin bae helpem iu for stap klia long olketa danger wea join witim wei for story witim narawan long Internet.”