Wanem for Talem

For Startim Bible Study Long First Saturday Long July

“Klosap evriwan wea mifala story witim sei olketa laekem world for garem peace. Nomata olsem, staka war gohed. Long tingting bilong iu, why nao hem hard tumas for world garem peace?” [Weit for hem ansa.] Showim haosholder page 15 bilong July-August Wastaoa, and storyim ansa for firstfala kwestin and readim wan or tufala scripture. Offerim olketa magasin, and arrange for go bak for storyim mek-tu kwestin.

Iusim disfala idea for duim demonstration long taem bilong field service grup long July 6.

Wastaoa July-August

“Mifala laek for savve long tingting bilong iu abaotem disfala scripture. [Readim 1 John 4:8.] Staka pipol sei datfala toktok hem tru, bat olketa narawan sei God hem no kaen bikos hem kosim or letem natural disaster for happen. Wanem nao tingting bilong iu? [Weit for hem ansa.] Disfala magasin storyim why iumi shud no judgem God and sei hem no kaen.”

Awake! June

“Hem normal samting nomoa for iumi laek garem gudfala laef. Waswe, iu tingse iumi savve garem gudfala laef sapos iumi peim staka niu samting? [Weit for hem ansa.] Lukim disfala toktok bilong Jesus. [Readim Luke 12:15.] Disfala magasin storyim stretfala tingting abaotem wanem iumi garem, and olketa gudfala idea long hao for iusim gud selen bilong iumi.”

Gud Nius From God!

“Mifala visitim olketa famili long area bilong iu for storyim point from Bible wea savve encouragem man. Staka pipol wea mifala story witim laek savve why nao God wea lovem iumi hem letem staka pipol long world safa. Waswe, iu tingse datwan hem insaed plan bilong God for disfala earth?” [Weit for hem ansa.] Then showim hem Leson 5, and readim and storyim first kwestin and tufala paragraf andanit, and readim olketa scripture long end bilong olketa paragraf. Offerim brochure and mekem arrangement for go bak and storyim next kwestin.