Wanem for Talem

Kingdom Nius No. 38

“Mifala givimaot disfala pepa wea garem wanfala important message. Disfala waka gohed evriwea long world distaem, and disfala copy hem bilong iu.”

Tingim diswan: Hem gud sapos story bilong iumi hem short mekem evriwan long territory savve kasem disfala pepa. Bat samfala taem maet haosholder hem barava interest and laek for story. Sapos olsem, iu savve askem tingting bilong hem abaotem kwestin wea stap long front, readim ansa from Bible wea stap insaed datfala tract, and sapos iu garem taem iu savve storyim samfala samting moa long datfala tract. Showim hem kwestin wea stap anda long heding “Samting for Tingim,” then markem taem for kam bak for storyim datfala kwestin.

Wastaoa November-December

“Klosap evriwan wea mifala story witim laek for savve why God letem olketa nogud samting for happen wea mekem iumi safa. Waswe, iu tu garem tingting olsem? [Weit for hem ansa.] Bible hem storyim taem wea no eniwan bae sorre, krae or feelim pain. [Readim Revelation 21:4.] Disfala magasin storyim faevfala main samting wea mekem wei for safa kamap big tumas. Hem storyim tu samting wea Bible talem abaotem wanem God bae duim for finisim wei for safa.”

Awake! October

“Sapos man no garem staka material samting, waswe, iu tingse hem savve hapi and satisfae nomoa? [Weit for hem ansa.] Iumi lukim wanem Bible talem. [Readim 1 Timothy 6:8.] Disfala magasin storyim wanem iumi savve duim for garem stretfala tingting abaotem material samting and hem storyim thrifala important samting wea winim olketa material samting.”