Redyim Heart blo Iu

Taem iumi studyim Bible, iumi laekem samting wea iumi lanem abaotem Jehovah for kasem heart blo iumi. Ezra showimaot nambawan example lo diswan taem hem “redyim heart blo hem for studyim Law blo Jehovah.” (Ezra 7:10) Hao nao iumi savve redyim heart blo iumi?

Prea. Each taem iu study, start witim prea. Askem Jehovah for helpem iu for understandim and followim wat iu lanem.—Ps. 119:​18, 34.

Mas Hambol. God haedem truth from olketa wea praod and depend lo own savve blo olketa. (Luke 10:21) Reason blo iu for duim research, hem no for mekem narawan tinghae lo iu. Taem iumi luksavve dat tingting blo iumi hem no semsem witim wat God tingim, iumi mas hambol and willing for change.

Lisin lo Kingdom song. Music hem garem paoa for kasem heart blo iumi, datwan helpem iumi redi for worship. If iumi lisin lo wanfala Kingdom song bifor iumi start for duim study, datwan maet helpem iumi for redyim heart blo iumi.