Kwestin Box
◼ Long wanem wei nao service overseer savve helpem olketa ministerial servant wea lukaftarem literature and magasin department?
Service overseer hem no interest nomoa for visitim olketa difren buk study grup each month and for arrangem olketa meeting for field service. Hem barava interest tu long evri samting wea savve affectim wei wea preaching waka hem gohed long territory bilong kongregeson.
Hem bae mek sure kongregeson bae garem inaf literature and magasin for offerim and hem bae mek sure olketa magasin and literature stap gud. For duim datwan, hem mas chekim plande samting long waka bilong olketa ministerial servant wea lukaftarem literature and magasin department.
Service overseer bae lukluk evritaem long olketa announcement wea kamap long Kingdom Ministry Bilong Iumi abaotem literature wea iumi bae offerim each month. Hem and brata wea lukaftarem literature department bae waka tugeta for mek sure inaf literature hem stap for olketa brata iusim, bat olketa careful for no orderim staka tumas literature. Sapos hem first taem for offerim pablikeson long field ministry or sapos kongregeson klosap for studyim datwan, hem bae tingim olketa samting hia taem olketa mekem order for sendem long branch office. Sapos kongregeson offerim datfala literature bifor, kongregeson field service report for datfala month bae showimaot sapos literature wea stap long buk rum for kongregeson offerim hem inaf or nomoa. Hem bae tingim tu namba bilong olketa pablisa wea bae serve olsem auxiliary pioneer for datfala month, and tu, sapos kongregeson garem moa pablisa and regular pioneer distaem winim last taem wea kongregeson offerim datfala literature. Buk rum shud open bifor and bihaen long olketa kongregeson meeting mekem olketa pablisa savve tekem literature. Literature shud stap long ples wea klin and drae, and olketa shud mek sure hem no stap olobaot nogud olketa kava and page bend and luk dirty.
Service overseer tu bae waka tugeta witim brata wea lukaftarem magasin department. Samfala taem, service overseer and brata wea lukaftarem olketa magasin shud chekim haomas magasin olketa orderim each month witim haomas magasin olketa pablisa offerim long ministry. Maet samfala pablisa need for daonem namba bilong olketa magasin wea olketa tekem sapos olketa faendem hem hard for offerim evriwan and staka magasin start for hipap long haos bilong olketa. Iumi shud no weistim olketa magasin.
Service overseer bae tingim olketa samting hia tu taem hem chekim haomas literature kongregeson orderim long Literature Order Pepa (S-14-SP). Hem bae givim datfala order pepa long kongregeson secretary wea bae chekim gud datwan, especially namba bilong olketa samting wea kongregeson orderim long datfala sekson bilong pepa: “Olketa spesol order.”
Olketa brata need for raetem olketa order pepa and narakaen pepa for lukaftarem gud literature and magasin department. Sapos olketa brata wea lukaftarem olketa department hia garem eni kwestin saed long olketa pepa and wei for keepim record, kongregeson secretary bae hapi for help long disfala waka.