Olketa Buk wea Iumi Givimaot Olketa Luk Hao?

Hem gud for tingim datfala kwestin taem iumi plan for givimaot eni buk long preaching waka. Eni buk wea bend, old, dirty or brek bae mekem pipol no tinghae long organization bilong iumi and datwan savve mekem haosholder no interest long message wea stap insaed.

Hao nao iumi savve lukaftarem gud olketa buk bilong iumi? Hem gud for putim olketa buk wea semsem for stap tugeta long basket. Olsem example, olketa buk tugeta, olketa magasin tugeta, olketa tract tugeta. Samfala putim olketa buk insaed wanfala folder or plastic basket wea garem zipper. Bihaen olketa story finis, then olketa isisi putim bak long basket Bible or eni buk wea olketa iusim, mekem hem no bend. Nomata wanem iumi duim, iumi no laekem pipol for no tinghae long preaching waka wea iumi duim bikos buk wea iumi givimaot hem bend or brek.—2 Cor. 6:3.