Wanem for Talem Abaotem Olketa Magasin
The Watchtower Mar. 15
“Klosap iumi evriwan savve long feeling for sorre taem samwan wea iumi lovem hem dae. Waswe, iu savve long disfala promis wea savve comfortim iumi? [Readim Acts 24:15. Then letem hem ansa.] Bat, maet staka garem tingting olsem, Hu nao bae laef bak? Wanem taem nao diswan bae happen? Long wea nao diswan bae kamap? Disfala magasin ansarem olketa kwestin hia from Bible.”
Awake! Mar.
“Staka pipol bilivim Jesus hem God. Samting wea interesting hem hao disaepol Peter talem hao Jesus nao hem Son bilong God. [Readim Matthew 16:16.] Long tingting bilong iu, waswe, hem fitim for Jesus hem God and long semtaem hem Son bilong God tu? [Letem hem ansa.] Disfala article long page 12-13 story raonem datfala kwestin and hem storyim tingting bilong Bible abaotem diswan.”
Wastaoa Apr. 1
“Staka pipol luksavve hao hem important for trainim olketa pikinini taem olketa smol yet. Waswe, iu tingse iumi need for duim datwan distaem tu? [Letem hem ansa. Then readim Proverbs 22:6.] Disfala Wastaoa storyim samfala samting wea parents savve duim for helpem olketa pikinini bilong olketa growap gud and garem olketa gudfala fasin.”
Awake! Apr.
“Staka pipol barava trae hard for stap hapi, bat luk olsem tu-thri pipol nomoa hapi. Waswe, iu tingse eni samting long disfala list bae helpem pipol for kamap moa hapi? [Showim box long page 9. Then readim wanfala scripture long datfala box.] Disfala Awake! storyim samting wea Bible sei wea savve mekem man kasem trufala hapi.”