Wanem for Talem Abaotem Olketa Magasin

The Watchtower Mar. 15

“Plande taem pipol tok abaotem taem wea Jesus bae kam. Waswe, iu tingse diswan hem samting for luk forward long hem, or samting for fraetem? [Letem hem ansa.] Lukim hao nao John wea raetem Bible hem feel abaotem diswan. [Readim Revelation 22:20.] Disfala magasin hem storyim samting wea Christ bae duim taem hem kam.”

Awake! Mar.

“Luk olsem plande leader long disfala world barava praod. Waswe, iu tingse kaen fasin olsem savve mekem peace and wan mind kamap long disfala world? [Letem hem ansa.] Lukim samting wea Bible talem abaotem disfala fasin for praod. [Readim Proverbs 16:18.] Disfala magasin explainim gud samting wea iumi savve kasem taem iumi hambol.” Showim article wea stap long page 20.

Wastaoa Apr. 1

“Long olketa year wea just go pas, wei wea pipol interest long olketa angel hem kamap moa big. Waswe, enitaem iu tingim, hu nao olketa angel and hao nao olketa affectim laef bilong iumi? [Letem hem ansa. Then readim Psalm 34:7.] Disfala magasin storyim samting wea Bible talem abaotem waka bilong olketa angel—long bifor kam, distaem, and long future.”

Awake! Apr.

“Long staka ples long disfala world, pipol lukim hao olketa gud fasin hem gogo daon. Waswe, iu lukim diswan tu? [Letem hem ansa.] Olketa samting wea iumi lukim long world distaem, hem olketa samting wea Bible profesi abaotem finis. [Readim 2 Timothy 3:​2-4.] Disfala magasin helpem iumi for savve why fasin bilong pipol gogo daon and wanem samting bae happen long future.”