Wanem for Talem Abaotem Olketa Magasin

Wastaoa Oct. 15

“Long tingting bilong plande pipol, education hem barava important for mekem man garem gudfala laef. Long tingting bilong iu, waswe, eni education stap wea savve helpem man for garem fasin wea moabeta and for deal witim olketa problem wea hem kasem? [Letem hem ansa. Then readim Romans 12:2.] Disfala magasin storyim hao iumi savve kasem gud samting from education wea barava nambawan.”

Awake! Oct. 22

“Klosap evriday staka pipol laek tumas for readim niuspepa. Long tingting bilong iu, waswe, iumi fit for bilivim evri samting wea olketa raetem long niuspepa? [Letem hem ansa.] Disfala Awake! storyim samfala idea long hao for kasem gud samting from wei for readim niuspepa. Hem storyim why man need for careful tu.” Readim Proverbs 14:15.

Wastaoa Nov. 1

“Plande pipol no hapi from no eni justice long world. Long tingting bilong iu, waswe, eniwan savve barava changem world? [Letem hem ansa.] Disfala magasin storyim olketa samting wea blokem wei for change. Hem storyim tu hu nao bae mekem olketa change hia kamap and hao hem bae mekem world garem trufala peace and sef living.” Readim Psalm 72:12-14.

Awake! Nov. 8

“Evriwea long world samfala pipol barava rich and samfala barava poor. Long tingting bilong iu, waswe, eni wei for stretem datwan? [Letem hem ansa. Then readim Matthew 6:9, 10.] Disfala magasin storyim why iumi barava sure hao Kingdom bilong God bae finisim diskaen wei wea spoelem olketa man distaem.”