Wanem for Talem Abaotem Olketa Magasin

The Watchtower Oct. 15

“From God hem stap long heven, samfala sei hem hard for savve gud long hem. Waswe, enitaem iu ting olsem tu? [Letem hem ansa. Then readim John 17:3.] Disfala magasin hem explainim hao iumi savve kasem savve abaotem God.”

Awake! Oct.

“Staka long iumi lusim wanfala wea iumi lovem long dae. Waswe, iu tingse iumi savve duim eni samting for helpem olketa bihaen olketa dae? [Letem hem ansa.] Disfala article givim ansa from Bible for datfala kwestin. And tu, hem story abaotem disfala promis wea comfortim iumi.” Readim John 5:28, 29. Then storyim article wea stap long page 10.

Wastaoa Nov. 1

“Distaem, man savve kasem advaes long staka difren subject. Long tingting bilong iu, waswe, iumi savve trustim evri advaes hia? [Letem hem ansa. Then readim 2 Timothy 3:16.] Disfala Wastaoa hem showim iumi why iumi savve trustim Bible for givim iumi wisdom wea bae helpem iumi.” Showim article wea start long page 16.

Awake! Nov.

“Waswe, enitaem iu tingim why nao wei for safa hem big tumas, nomata wanfala God wea garem paoa, stret fasin, and love hem stap? [Letem hem ansa.] Lukim wanem disfala scripture hem talem abaotem why nao olketa man safa. [Readim 1 John 5:19.] Disfala magasin explainim from Bible samting wea God hem duim for finisim wei for safa.”