Wanem for Talem Abaotem Olketa Magasin

The Watchtower Apr. 15

“Klosap evriwan agree hao wanfala wei for famili kasem hapi hem for story gud tugeta. Bat, staka pipol faendem hem hard for duim datwan. Iu savve why nao olsem? [Letem hem ansa.] Disfala magasin hem storyim olketa idea long hao for kamap moabeta long wei for story tugeta.” Readim James 1:19.

Awake! April

“Staka pipol sei wei wea olketa iusim cross hem mekem olketa feel klos long God. Nomata olsem, staka ask olsem: Waswe, hem fitim iumi for worshipim samting wea olketa hangem Jesus for dae long hem? Waswe, Jesus hem really dae long wanfala cross? Wanfala article insaed disfala magasin wea start long page 12, hem storyim tingting bilong Bible abaotem olketa kwestin hia.” Readim Acts 5:30.

Wastaoa May 1

“Staka pipol tingim olketa teenage year hem taem for hapi and long semtaem hem taem wea olketa feisim olketa hardfala samting. Waswe, iu ting olsem tu? [Letem hem ansa.] Disfala magasin hem storyim olketa change wea olketa teenager savve kasem long olketa taem hia. Hem storyim tu samfala wise advaes for helpem olketa for enjoyim taem wea olketa teenager yet.” Readim Ecclesiastes 12:1.

Awake! May

“Waswe, enitaem iu ting raonem why nao iumi savve kamap olo? [Letem hem ansa.] Story insaed Bible abaotem why iumi kamap olo hem showimaot hao God hem mekem wei for iumi kasem laef olowe. [Readim Isaiah 25:8.] Disfala Awake! hem explainim samfala idea distaem abaotem why man kamap olo.”