Waka Evriwea Long World for Talem Pipol Abaotem “Salvation Hem Klosap!” Distrik Convention
Olketa Pablisa Long Each Kongregeson Givimaot Spesol Smol Pepa
1 Start long May 2006, long samfala kantri and gohed kasem taem olketa convention evriwea long world finis, wanfala waka bae gohed evriwea long world for iusim wanfala spesol pepa for talem pipol abaotem olketa distrik convention wea bae kamap long samting olsem 155 kantri. Insaed disfala waka tu hem for talem pipol abaotem olketa spesol convention wea bae kamap long Germany, Czech Republic, and Poland long July and first week bilong August 2006.
2 From iumi barava klosap long end bilong olketa last day, wei wea olketa convention mekhae long promis bilong God for sevem pipol from disfala wicked world shud barava mekem pipol wea fit for kasem laef interest. Disfala message shud muvim olketa for ting raonem samting wea bae happen long future. For mekem staka million pipol garem chance for herem wanfala message wea comfortim man and wea givim hope, winim 98,000 kongregeson bilong Olketa Jehovah’s Witness evriwea long world barava kasem encouragement for strong for tekpart long waka for talem pipol abaotem convention wea olketa kasem invitation for attendim.
3 Olketa kongregeson bae kasem inaf long olketa smol pepa hia for mekem each pablisa garem 50. Sapos eni pepa hia leftova, olketa pioneer long kongregeson savve help for givimaot olketa. Long each kongregeson, disfala waka bae start thrifala week bifor convention wea kongregeson bae attendim hem start. Diswan hem for mekem pipol long full territory or klosap full territory bilong kongregeson savve kasem disfala pepa.
4 Hem gud for givim disfala smol pepa stret long haosholder. Bat, sapos no eniwan stap, iu savve leavim datfala pepa long there, bat iusim gudfala tingting saed long wea nao for putim datwan long door. Evriwan shud waka hard for givimaot evri smol pepa insaed thrifala week for duim diswan.
5 Mifala sure bigfala witness bae kamaot from disfala big waka wea bae kamap evriwea long world for talem pipol abaotem “Salvation Hem Klosap!” Distrik Convention. Mifala prea Jehovah bae givim bigfala blessing long wei wea iu waka hard for tekpart long disfala waka wea bae kamap evriwea long world.