Invaetem Pipol for Kam Long Convention

Evri year iumi luk forward long spiritual kaikai wea iumi kasem long olketa regional convention bilong iumi. Iumi invaetem olketa narawan for kam hipap witim iumi from iumi laekem olketa tu for kasem staka gud samting from Jehovah. (Ps 34:8) Olketa elder long kongregeson bae disaedem wanem nao kongregeson savve duim for givimaot disfala invitation long territory.

SAMFALA SAMTING FOR TINGIM

• Wanem taem nao convention bilong mi?

• Wanem taem nao bae iumi start for givimaot olketa invitation?

• Wanem day and taem nao kongregeson garem for duim preaching waka?

• Olketa wanem goal nao mi markem for disfala waka?

• Olketa hu nao bae mi invaetem?

WANEM FOR TALEM

Bihaen iu sei hello, iu savve sei:

“Mifala duim wanfala waka wea gohed evriwea long world for invaetem pipol for kam long wanfala important hipap. Long disfala pepa hem showim date, taem, and ples wea disfala hipap bae kamap. Hem bae naes tumas sapos iu savve kam.”

HAO NAO BAE IU HELPEM OLKETA WEA INTEREST?

Hem tru, iumi laek for invaetem staka pipol for kam long convention, bat iumi shud no hol bak for helpem eniwan wea interest tu.

Long olketa weekend iumi bae givimaot invitation and sapos hem fitim iumi savve givimaot olketa magasin tu.