Wanem for Talem Abaotem Olketa Magasin

The Watchtower May 15

“Waswe, iu tingse iu bae hapi for laef insaed world wea disfala scripture storyim? [Readim 2 Peter 3:13. Then letem hem ansa.] Disfala magasin hem explainim wanem nao disfala niu heven and niu earth. Hem storyim tu olketa wei wea laef bilong iumi bae difren taem God fulfillim plan bilong hem for disfala earth.”

Awake! May

“Long tingting bilong samfala, for win long world distaem, man mas raf, and mas barava aftarem samting hem laekem nomata sapos datwan hem spoelem narawan or nomoa. Bat tingim samting wea Jesus hem sei. [Readim Matthew 5:5, 9.] Waswe, iu agree witim datwan? [Letem hem ansa.] Disfala magasin hem mekhae long thrifala gud samting wea kamaot from wei for keepim peace witim olketa narawan.” Showim article wea start long page 28.

Wastaoa June 1

“Long tingting bilong iu, sapos man hem laek for stap sef taem disfala world bilong Satan hem distroe, wanem nao hem mas duim? [Letem hem ansa, then readim 1 John 5:19.] Disfala Wastaoa storyim wanem nao iumi mas duim for stap sef taem disfala nogud world hem distroe.”

Awake! June

“Terrorism hem no wanfala niu samting, bat hem kamap evriwea long world distaem, and hem affectim laef bilong staka pipol. Long tingting bilong iu, why nao diswan hem olsem? [Letem hem ansa.] Disfala Awake! magasin showim from Bible wanem taem nao terrorism bae finis, and wanem God bae duim for mekem earth garem really peace.” Readim Micah 4:4.