Wanem for Talem Abaotem Olketa Magasin

Wastaoa July 1

“Hao nao tingting bilong iu? Iu tingse iumi savve hapi nomata iumi kasem olketa problem? [Letem hem ansa.] Disfala magasin hem storyim samting wea savve helpem iumi for deal witim olketa hard samting long laef. Hem storyim tu hao wei for garem wanfala really hope savve strongim iumi.” Readim Revelation 21:3, 4.

Awake! June

“Waswe, iu agree hao olketa disaster wea happen no longtaem go nomoa showimaot hao hem important for obeyim olketa warning? [Letem hem ansa.] Disfala article hem storyim olketa samting wea pipol wea no dae insaed Cyclone Katrina lanem. Hem storyim tu wanfala warning wea iumi evriwan need for obeyim distaem.” Showim article wea start long page 14.

The Watchtower July 1

“Long world distaem wea fulap long trabol, plande pipol askem olketa kwestin olsem: ‘Why nao laef barava fulap witim olketa problem? Sapos God hem stap, why nao hem no duim eni samting for finisim wei for safa?’ Waswe, enitaem iu ting raonem datwan? [Letem hem ansa.] Disfala magasin hem garem olketa ansa from Bible for olketa kwestin hia wea barava encouragem man.” Readim 2 Timothy 3:16.

Awake! July

“Distaem, plande marit kasem hevi. Waswe, iu ting olketa hasband and waef bae kasem gud samting sapos olketa followim disfala kaonsel wea kam from Bible? [Readim Ephesians 4:32. Then letem hem ansa.] Disfala Awake! hem storyim olketa nambawan Bible principle wea savve helpem iumi for garem wanfala hapi marit.”