Waswe, Iu Redi for Wanfala Spiritual Feast?
1. Iumi mas redi hao for wanfala big kaikai?
1 Bigfala waka nao for redyim wanfala big kaikai. Waka for peim kaikai, redyim gudfala, and sharem. Need for redi gudfala for sharem kaikai. And tu, mas redyim ples for pipol kam for kaikai. Olketa guest mas redi tu sapos datfala ples hem farawe. Nomata iumi waka hard, iumi savve enjoyim naesfala kaikai, and savve feel gud witim olketa fren and famili. Klosap nao Olketa Jehovah’s Witness evriwea long world bae hipap for wanfala spiritual kaikai, “Gohed for Lukaot!” Distrik Convention long olketa smol and bigfala hipap. Staka waka nao olketa duim for redyim datfala program and redyim evri samting. Iumi evriwan savve kam. For iumi kam and for barava kasem gudfala samting, iumi wanwan tu mas redi gudfala.—Prov. 21:5.
2. Wanem nao iumi savve duim for kam evriday long spiritual kaikai?
2 Kasem Barava Gudfala Samting: Waswe, iu redyim finis olketa plan bilong iu for mekem iu kam long full spiritual kaikai? Sapos fitim, talem boss bilong iu hao bae iu go evriday long convention, start long firstfala day. Waswe, iu stretem finis evri samting for kam long convention and ples for stap? Olketa elder shud tingim olketa wea olo and wea no strong tumas wea needim help and lukaftarem olketa.—Jer. 23:4; Gal. 6:10.
3. Why nao iumi shud no go long eni international convention wea olketa no invaetem iumi long hem?
3 Samfala ples bae garem olketa international convention. Tingim hao samfala kongregeson and samfala narawan from olketa didifren kantri, olketa invaetem olketa finis for kam long olketa convention hia. For mekem olketa plan hia, branch office bae kaontem gud haomas nao for invaetem, and ting raonem haomas spes for sidaon and haomas hotel rum nao stap. Sapos olketa pablisa wea olketa no invaetem, olketa kam long olketa international convention, bae no inaf spes for evriwan sidaon.
4. Wanem nao iumi need for tingim mekem iumi redi taem program start evriday?
4 Redi for kam early long convention evriday for iu savve faendem ples for sidaon bifor program hem start. Bifor program start, hem gud for iumi lukluk long datfala full program pepa. Diswan bae redyim mind bilong iu for evri naesfala kaikai wea bae kamap. (Ezra 7:10) Taem chairman talem hao music hem redi for start, enjoyim datfala music and then redi for singsing and prea.
5. Hao nao olketa famili bilong iumi savve kasem gudfala samting from program?
5 Sapos wanfala famili sidaon tugeta long taem bilong convention, dadi and mami bae savve gud sapos pikinini bilong olketa lisin gud long program. (Deut. 31:12) Evriwan shud luk followim Bible bilong olketa taem olketa readim olketa scripture. Wei for raetem samfala main point long note buk bilong iu savve helpem iu for lisin gud. Bihaen, wanem iu raetem bae helpem iu. No trae for story story taem olketa tok gohed or for lusim ples bilong iu. Sapos iu garem mobile, no letem datwan for mekem iu or olketa narawan no lisin gud long program. Bihaen evri session, bae hem gud tumas for story raonem olketa gudfala point from program.
6. Wanem spesol samting nao abaotem olketa convention bilong iumi, and hao nao iumi savve barava enjoyim?
6 Long distrik convention, iumi garem nambawan chance for hapi witim olketa brata and sista bilong iumi, diswan hem samting wea pipol long world no garem. (Ps. 133:1-3; Mark 10:29, 30) Long lunch taem, hem gud for iu story witim olketa wea sidaon klosap long iu. Dastawe hem gud for tekem kam lelebet lunch and stap kaikai long ples bilong convention, and no long wanfala ples for kaikai. Trae for no missim datfala chance for strongim faith bilong narawan.—Rom. 1:11, 12.
7. Hao nao bae iumi redyim gud kaleko bilong iumi for werem long convention?
7 Kaleko: Jehovah talem olketa Israelite for putim samfala string long end bilong kaleko bilong olketa and wanfala blue string long end bilong kaleko. (Num. 15:37-41) Diswan hem for mekem pipol lukim hao pipol hia hem difren bikos olketa worshipim Jehovah. Distaem, sapos iumi werem kaleko wea luk naes taem iumi long olketa convention, datwan savve mekem iumi difren from disfala world. Diswan bae givim witness long pipol nomata iumi go long eni ples for kaikai taem program finis. Dastawe, hem gud for iu ting raonem gud firstaem wanem kaleko nao bae iu werem.
8. Long wanem wei nao iumi savve witness long pipol long taon wea convention kamap long hem?
8 Givim Witness: Sapos iumi redi gud, maet iumi fit for witness long pipol long taon wea convention hem kamap long hem. Wanfala brata witim waef bilong hem go long wanfala ples for kaikai bihaen program, hem point go long convention badge bilong hem and askem man wea tekem kam kaikai: “Waswe, iu lukim pipol werem badge olsem diswan?” Datfala man hem talem hao hem tu laek for savve why nao olketa werem badge olsem. From diswan, tufala story gud and brata hia askem datfala man for kam long convention.
9. Hao nao iumi showimaot long Jehovah iumi tinghae long spiritual kaikai wea hem redyim?
9 Nomata olketa brata bilong iumi nao givim olketa tok, interview, and demonstration, Dadi bilong iumi long heven Jehovah, wea lovem iumi nao givim kam disfala spiritual kaikai. (Isa. 65:13, 14) Iumi showimaot hao iumi tinghae long Jehovah taem iumi kam evriday and no missim eni tok bilong olketa spiritual kaikai wea olketa redyim. Waswe, plan bilong iu hem set finis?