Wanem for Talem Abaotem Olketa Magasin

Wastaoa October-December

“Plande pipol tingse evri gud pipol bae go long heven. Waswe, iu bilivim datwan tu? [Weit for hem ansa.] Lukim wanem Bible talem abaotem disfala earth. [Readim Psalm 37:​11, 29.] Disfala magasin showimaot samting wea Jesus teachim abaotem future bilong olketa man long disfala earth.” Showim story wea start long page 22.

Awake! October

“Olketa famili kasem staka problem distaem. Waswe, iu ting olsem tu? [Weit for hem ansa.] Staka no luksavve long gudfala advaes wea stap insaed Bible. Tingim diswan. [Readim wanfala scripture from magasin.] Disfala spesol Awake! magasin storyim olketa toktok from Bible wea savve helpem olketa famili for deal witim olketa problem wea kamap.”

The Watchtower November 1

“Waswe, iu tingse evri samting olketa teachim long olketa church hem kam from Bible? [Weit for hem ansa.] Bible hem warnim iumi for keakea for no bilivim olketa false teaching. [Readim Colossians 2:8.] Disfala magasin showimaot klia sixfala teaching wea difren from wanem Bible teachim.”

Awake! November

“Distaem staka pipol start for garem olketa samting olsem mobile and computer. Waswe, iu tingse wei for iusim olketa samting hia mekem iumi for garem staka taem or weistim taem? [Weit for hem ansa.] Staka bae agree witim wanem Bible talem for iusim taem long gudfala wei. [Readim Ephesians 5:​15, 16.] Disfala magasin storyim hao iumi savve iusim olketa niu samting hia long stret and balance wei.”