“Iusim Wanfala Old Magasin or Eni Brochure wea Haosholder Interest Long Hem”
Long olketa month wea iumi iusim Wanem Bible Teachim buk and iumi trae for startim study long firstaem iumi meetim man, hem gud for iumi “iusim wanfala old magasin or eni brochure wea haosholder interest long hem,” sapos haosholder garem finis disfala buk bat hem no laek for study. Why nao olsem?
Olketa brochure and olketa old magasin garem staka difren story wea pipol interest long hem. Maet samfala story wea haosholder readim long olketa brochure or magasin bilong iumi helpem olketa. So taem iu redi for go long preaching waka, putim samfala difren brochure and samfala old magasin long basket. Maet iu savve tekem samfala old magasin long bukrum. Sapos haosholder garem finis Wanem Bible Teachim buk bat hem no laek for study, iu savve showim long hem samfala magasin or samfala brochure and hem savve chusim which wan nao hem laekem. Then go bak nara taem for helpem hem. Maet gogo iutufala bae study.