Wanem for Talem

For Startim Bible Study Long First Saturday Long June

“Iumi evriwan savve mekem mistek samfala taem. Long tingting bilong iu, waswe, God savve forgivim olketa wea duim bigfala sin?” [Weit for hem ansa.] Then showim hem article long page 15 long May 1 Watchtower, and storyim firstfala kwestin and readim wan or tufala scripture. Offerim olketa magasin and markem taem for go bak and storyim ansa bilong next kwestin.

Tingim diswan: Iusim disfala idea for duim demonstration long taem bilong field service grup long June 1.

Wastaoa May-June

“Staka taem iumi evriwan kasem olketa problem. Diswan mekem staka pipol laek for savve sapos man savve hapi and satisfae long laef. Long tingting bilong iu, wanem nao main samting wea mekem pipol no hapi distaem? [Weit for hem ansa.] Bible sei klosap nao God bae finisim olketa problem wea iumi feisim distaem. [Readim Revelation 21:4.] Disfala magasin hem storyim wanem iumi savve duim for hapi and satisfae distaem, and long future.”

Awake! May

“Mifala story witim pipol abaotem wei wea olketa criminal no shame for duim staka nogud samting distaem. Samfala tingse sapos iumi garem staka policeman datwan bae stopem olketa criminal for no duim olketa nogud samting. Hao nao tingting bilong iu? [Weit for hem ansa.] Bible hem sei God bae finisim man wea duim rabis samting. [Readim Psalm 37:10, 11.] Disfala magasin storyim disfala promis and wanem iumi savve duim for protectim iumiseleva from olketa criminal.”