Wanem for Talem

For Startim Bible Study Long First Saturday Long October

“Hao nao man bae savve sapos hem redi for baptaes? Enitaem iu tingim disfala kwestin? [Weit for hem ansa.] Disfala article storyim datfala kwestin.” Then givim hem Wastaoa bilong July-September, storyim mek-foa kwestin long page 17, and readim wan or tufala scripture. Offerim magasin and markem taem for go bak and storyim nara kwestin long disfala article.

The Watchtower September 1

“Long staka ples long world pipol raf long olketa woman and ting daonem olketa. Samfala idea bilong religion savve mekem pipol for garem kaen tingting olsem. Waswe, long tingting bilong God, olketa woman important? [Weit for hem ansa.] Lukim wanem Bible talem abaotem hao olketa hasband shud ting long waef. [Readim Ephesus 5:28, 29.] Disfala magasin storyim wanem Bible talem abaotem hao God ting long olketa woman.”

Awake! September

“Staka pipol sei wanday evri samting long earth bae finis, maet from nuclear war or wanfala natural disaster olsem climate change. Waswe, iu tingse nogud samting olsem bae happen or hem wanfala story nating nomoa? [Weit for hem ansa.] Bible talem disfala promis wea comfortim iumi. [Readim Psalm 37:29.] Disfala magasin hem storyim samfala samting wea pipol tingse maet happen long future, bat hem storyim tu wanem Bible talem wea bae happen long future.”