Wanem for Talem

For Startim Bible Study Long First Saturday Long September

“Mifala kam for storyim disfala kwestin. [Showim firstfala kwestin long page 16 bilong September-October Wastaoa.] Wanem nao tingting bilong iu abaotem datwan?” Weit for hem ansa. Storyim ansa bilong firstfala kwestin and readim wan or tufala scripture. Offerim olketa magasin and markem taem for go bak and storyim ansa bilong next kwestin.

Wastaoa September-October

“From God hem garem bigfala paoa, iu tingse hem nao bihaenem olketa nogud samting wea happen long world? [Weit for hem ansa. Then readim James 1:13.] Disfala magasin explainim why olketa nogud samting happen and wanem God bae duim for finisim datwan.”

Awake! August

“Samting wea savve spoelem hapi bilong iumi hem sapos iumi raoa witim samwan or iumi no stap gud witim nara pipol. Long tingting bilong iu, wanem nao savve helpem iumi for no raoa and stap gud witim olketa narawan? [Weit for hem ansa.] Bible garem staka gudfala advaes for helpem iumi long diswan. [Readim 1 Corinth 13:4, 5] Disfala magasin storyim example bilong pipol wea Bible helpem olketa for stretem problem witim narawan.”