Gud Samting Kamaot From Wei for Invaetem Pipol

Thrifala week bifor convention, iumi bae invaetem pipol long territory for kam long convention. Iumi garem gudfala reason for duim diswan evri year. Staka taem olketa wea acceptim invitation pepa and kam long convention tinghae long olketa Bible tok, wei wea olketa volunteer nomoa lukaftarem gud olketa samting, and gudfala wei and wan mind wea iumi showimaot. (Ps. 110:3; 133:1; Isa. 65:13, 14) Bat sapos iumi invaetem pipol wea stap farawe from ples wea convention bae kamap, waswe, eni gud samting savve kamaot from datwan?

Wanfala woman wea savve haed olowe taem Olketa Jehovah’s Witness kam long haos, hem faendem invitation pepa front long door long haos bilong hem. Bihaen long 2011 distrik convention, hem raetem leta long wanfala branch office. Hem sei: “Mi garem evri samting wea mi tingse bae hem mekem mi hapi. Mi garem naesfala haos, and gudfala hasband. Nomata olsem, mi no hapi nomoa and laef bilong mi no garem mining. So bihaen mi lukim invitation pepa, nomata mi mas travel for 320 kilometer, mi disaed for attendim datfala convention long Saturday.” From hem barava enjoyim datfala convention, hem ringim hasband bilong hem for talem bae hem stap for attendim program long Sunday tu. Hem sei moa: “Mi lisin long evri tok, mi meetim staka Jehovah’s Witness, and mi laekem convention for gohed nomoa.” Taem hem go bak, hem start for study and bihaen fofala month hem kamap anbaptaes pablisa. Hem sei: “Mi hapi tumas olketa kam putim datfala invitation pepa front long door long haos bilong mi bikos distaem laef bilong mi garem mining!”

Samfala wea iumi givim invitation pepa long olketa bae kam long convention. So disaed strong for duim disfala important waka. Long weekend bilong convention, iusim eni invitation pepa wea iufala no givimaot for preach long pipol wea iufala meetim.

[Box long page 5]

Hao for Offerim Disfala Invitation Pepa

Hem gud sapos story bilong iumi hem short mekem evriwan long territory kasem invitation pepa. Maet iumi savve sei: “Mifala givimaot long pipol disfala invitation pepa for kam long convention bilong mifala. Long staka ples long world, pipol bae herem disfala sem program. Bae iu lukim insaed disfala pepa samfala information abaotem disfala convention and taem and ples wea bae hem kamap. Disfala copy hem bilong iu.” Showimaot iu barava hapi for olketa kam. Taem iu givimaot invitation pepa long olketa weekend, sapos hem fitim offerim olketa magasin tu.