Wanem for Talem

For Startim Bible Study Long First Saturday Long July

“Mifala kam for storyim disfala kwestin. [Showim firstfala kwestin long page 16 bilong July-August Wastaoa.] Wanem nao tingting bilong iu abaotem datwan?” Weit for hem ansa. Storyim ansa bilong firstfala kwestin and readim wan or tufala scripture. Offerim olketa magasin and markem taem for go bak and storyim ansa bilong next kwestin.

Wastaoa July-August

“Samting olsem six million pipol dae evri year bikos olketa smoke. Waswe, long tingting bilong iu, eniwan savve duim samting for helpem pipol for stop smoke? [Weit for hem ansa.] Staka pipol lusim smoke or no start for smoke taem olketa luksavve long tingting bilong God abaotem wei for smoke. Olsem example, disfala verse long Bible helpem samfala for tingim hao wei for smoke savve spoelem olketa narawan. [Readim 1 Corinth 10:24.] Disfala magasin showimaot hao taem man hem luksavve long tingting bilong God abaotem wei for smoke datwan savve helpem hem for stop smoke.”

Awake! June

“Distaem maet hem luk olsem pipol garem staka fren winim enitaem bifor bikos pipol savve story witim staka narawan long social network long Internet. Bat wanem kaen wei nao iumi laekem olketa fren bilong iumi for garem? [Weit for hem ansa.] Long Bible hem storyim olketa samting wea man mas duim for kamap gudfala fren, olsem disfala verse storyim. [Readim James 1:19.] Disfala magasin storyim fofala samting wea iumi savve duim for helpem iumi kamap kaen man wea narawan bae laek for fren witim.”