Mekhae Long Wei for Startim Bible Study Long First Saturday Long Month
Start long May 2011, iumi kasem encouragement for startim Bible study long first Saturday long evri month. Wanfala article wea kamap evritaem long pablik Wastaoa wea garem title “Ansa for Olketa Bible Kwestin” savve helpem iumi for duim datwan. So brata wea conductim meeting for field service long first Saturday long month shud storyim hao for iusim disfala article for startim Bible study and samwan shud duim demonstration long hao for duim datwan.
Olketa elder savve disaed sapos each field service grup bae meet seleva long datfala first Saturday, or olketa bae meet tugeta, maet long Kingdom Hall. Bat sapos staka kongregeson iusim Kingdom Hall, no eni kongregeson shud muvim disfala spesol day for startim Bible study long nara day for mekem evriwan meet tugeta long Kingdom Hall.