“Sapos Iu Tekem Buk Bilong Mifala, Bae Mi Tekem Buk Bilong Iu”

Disfala toktok iumi savve herem from samfala wea iumi meetim long ministry. Iumi no exchangem olketa buk bilong iumi for buk bilong olketa nara religion wea no storyim olketa tru teaching. So wanem nao bae iumi talem? (Rom. 1:25) Iumi savve sei: “Thankiu tumas. Waswe, datfala buk storyim hu nao bae stretem olketa problem bilong iumi? [Weit for hem ansa. Sapos hem sei for iu readim datfala buk for savve long ansa, iu savve talem hem, taem iumi offerim buk long pipol iumi bae storyim firstaem wanem nao insaed long datfala buk. Then iu savve readim or storyim Matthew 6:9, 10.] Jesus sei God bae iusim Kingdom bilong hem for stretem olketa problem wea iumi kasem. So mi readim nomoa olketa buk wea mekhae long Kingdom bilong God. Mi laek for showim iu long Bible samfala samting wea Kingdom bilong God bae duim.”