Hao for Duim Witnessing Taem Iumi Iusim Trolley or Tebol

Wei for iusim trolley or tebol for duim pablik witnessing hem helpem staka pipol for savve long truth. (John 6:44) So olketa elder kasem instruction for organizem olketa long kongregeson for duim pablik witnessing long ples wea staka pipol savve go pas long territory bilong olketa. From diswan hem no wanfala bisnis, maet olketa elder no need for askem Town Council sapos kongregeson savve duim datwan. Hu nao fit for duim pablik witnessing? Olketa pablisa wea garem gudfala tingting, tinghae long datfala waka, and olketa wea savve story gud witim pipol. Bae iumi storyim samfala samting for duim and for no duim wea bae helpem iumi for duim gud disfala waka.

Duim Diswan:

Iu savve smile and sei hello long pipol. Taem samwan kam long iu, welkamim hem and kaen long hem. Sapos samwan hem go pas and hem luk kam long trolley or tebol, iu savve sei, “Iu savve tekem eni samting sapos iu laekem.”
Standap klosap long trolley or tebol. Sapos wanfala man kam long datfala trolley or tebol, trae for startim story long wei for askem hem, “Waswe, enitaem iu ting abaotem disfala subject?”
Taem hem fitim iusim Bible.
Taem eniwan tekem pablikeson wea iumi iusim for studyim Bible witim pipol, olsem Wanem Bible Teachim buk, hem gud for explainim hao iumi studyim Bible witim pipol. Iu savve iusim mobile or tablet bilong iu for showim video, Why Nao Hem Gud for Studyim Bible?
Sapos hem fitim, askem address or mobile namba bilong olketa wea interest. Sapos eniwan long olketa hia no stap long territory bilong iu, fulimap form Plis Go Lukim Man Hia (S-43-SP), and no delay for givim long secretary long kongregeson bilong iu.